58:43  43  SECOND  SERMON  44  Dieu?  Il  est  certain  que  nous  ietterons  les  pierres  sur  nos  testes,  et  elles  ne  tomberont  pas  ne  ca  ne  la,  elles  ne  pourront  pas  mesme  atteindre  iusques  a  la  maieste  de  Dieu:  mais  elles  retourneront  sur  nos  testes,  et  faudra  que  nous  en  soions  cassez  et  brisez.  Voila  ce  que  nous  profiter  ons  quand  nous  ouvrirons  la  gorge  pour  ietter  nos  blasphemes  a  l'encontre  de  Dieu:  car  nous  ietterons  nos  dards  en  l'air,  et  nos  pierres:  mais  elles  ne  parviendront  pas  iusques  a,  lui,  il  faudra  que  nous  en  soions  percez,  et  navres,  et  que  nous  demeurions  la,  confus  en  nostre  temerite  et  outrecuidance.  Ainsi,  contentonsnous  de  ce  que  Dieu  prononce:  c'est  assavoir,  qu'il  a  hai  Esau,  et  a  aime  Iacob.  Or  par  cela  les  enfans  de  Iacob  estoient  assez  convaincus,  qu'ils  n'avoient  de  quoi  se  glorifier  en  eux  mesmes,  et  qu'il  ne  restoit  sinon  de  faire  recognoissance  a  Dieu,  d'une  telle  bonte  et  si  liberale,  de  laquelle  il  avoit  use  envers  eux,  et  de  laquelle  ils  n'ont  peu  trouver  raison,  si  non  d'autant  qu'il  lui  a  ainsi  pleu.  Or  cependant  ils  estoient  pleins  d'impiete  a  rencontre  de  Dieu,  et  vouloient  neantmoins  retenir  ce  privilege:  mais  Dieu  leur  remontre  qu'il  ne  leur  appartient  pas,  et  que  s'ils  le  tenoient  pour  leur  Pere,  il  faudroit  qu'ils  lui  fussent  enfans.  Or  par  cela  nous  sommes  admonestez,  combien  que  nostre  salut  procede  de  la  pure  grace  de  Dieu,  et  qu'il  y  consiste  iusques  en  la  fin:  toutesfois  que  ce  n'est  pas  a  dire,  sous  ombre  de  cela,  que  nous  puissions  nous  desborder  a  mal,  et  nous  y  addonner.  Or  il  y  a  des  vilains  chiens  qui  abaient  contre  Dieu:  il  y  a  aussi  des  pourceaux  qui  renversent  ceste  doctrine  de  l'election,  par  leur  vie  dissolue.  Car  il  y  a  deux  manieres  de  gens  qui  sont  ennemis  de  ceste  doctrine.  Les  uns  sont  comme  chiens,  et  les  autres  comme  porceaux.  Les  uns  qui  sont  ils?  Ceux  qui  abbaient  et  qui  vienent  monstrer  les  dents,  et  qui  despitent  Dieu  par  leurs  meschantes  questions:  comme  nous  en  voions  auiourd'hui  de  ces  vilains  qui  ne  font  nul  scrupule  de  deschirer  par  pieces  toute  l'escriture  sainte,  corrompre,  pervertir,  falsifier  et  abastardir  tout,  moyennant  qu'ils  puissent  obscurcir  l'election  de  Dieu,  voire  l'aneantir  du  tout.  Voila  ou  ils  tendent,  c'est  de  rendre  odieuse  ceste  doctrine.  Car  ils  diront,  que  ceux  qui  en  parlent,  ne  mettent  plus  de  difference  entre  Ie  bien  et  le  mal,  et  que  Dieu  par  ce  moyen,  seroit  iniuste,  s'il  discernoit  entre  l'un  et  l'autre,  et  qu'il  y  auroit  acception  de  personnes  en  lui.  Voila  donc  les  chiens  qui  abbaient  et  qui  grincent  les  dents  a  l'encontre  de  ceste  doctrine.  Or  il  y  a  des  porceaux,  qui  ne  se  despiteront  pas  en  telle  sorte  a  l'encontre,  mais  ils  diront,  Et  bien,  si  ie  suis  esleu,  i'ay  beau  mal  faire