56:43  43  GENESE.  que  sa  fureur  soit  destournee  de  toy,  et  ait  oublie  les  choses  que  tu  luy  as  faites:  puis  i'envoyeray,  et  te  retireray  de  la.  Pourquoy  seroye-ie  privee  de  vous  deux  en  un  iour?  46.  Et  Rebecca  dit  a  Isaac,  Ie  suis  faschee  de  ma  vie,  pour  les  filles  de  Heth.  Si  Iacob  prend  femme  des  filles  de  Heth,  comme  sont  cestes-ci  du  pays,  a  quoy  me  sert  la  vie?  Chapitre  XXVIII.  1.  Et  Isaac  appela  Iacob,  et  le  benit:  et  luy  commanda  disant,  Tu  ne  prendras  point  femme  des  filles  de  Chanaan.  2.  Leve  toy,  Va  en  Padan-  Aram,  en  la  maison  de  Bathuel,  pere  de  ta  mere:  et  de  la  pren  pour  toy  femme  des  filles  de  Laban  frere  de  ta  mere.  3.  Et  Dieu  tout-puissant  te  benie,  et  te  face  fructifier,  et  te  multiplie,  afin  que  tu  croisses  en  congregation  de  peuples:  4.  Et  te  doint  la  benediction  d'Abraham  a  toy.  et  a  ta  posterite  avec  toy,  afin  que  tu  obtienes  par  heritage  la  terre  ou  tu  as  este  estranger,  laquelle  Dieu  a  donnee  a  Abraham.  5.  Isaac  donc  envoya  Iacob,  lequel  s'en  alla  en  Padan-Aram  a  Laban  fils  de  Bathuel  Syrien  frere  de  Rebecca,  mere  de  Iacob  et  d'Esau.  6.  Et  Esau  veit  qu'Isaac  avoit  benit  Iacob,  et  qu'il  l'avoit  envoye  en  Padan-Aram,  afin  que  la  il  preint  femme  pour  soy:  et  qu'il  luy  avoit  commande,  quand  il  le  benissoit,  disant,  Ne  pren  point  femme  des  filles  de  Chanaan:  7.  Et  que  Iacob  avoit  obei  a  son  pere  et  a  sa  mere,  et  s'en  estoit  alle  en  Padan-Aram.  8.  Voyant  donc  Esau  que  les  filles  de  Chanaan  desplaisoyent  es  yeux  d'Isaac  son  pere:  9.  Il  s'en  alla  a  Ismael,  et  preint  a  femme  (outre  ses  autres  femmes)  Maheleth  la  fille  d'l8mael,  fils  d'Abraham,  seur  de  Nabaioth.  10.  Or  Iacob  partit  de  Bersabe  et  s'en  alla  a  Aram.  11.  Et  arriva  en  un  lieu,  auquel  il  passa  la  nuict,  pource  que  le  soleil  estoit  couche.  Il  preint  donc  des  pierres  du  lieu,  et  les  mit  sous  sa  teste,  et  dormit  la,  12.  Lors  il  songea,  et  voici  une  eschelle  estoit  dressee  sur  la  terre,  et  le  sommet  d'icelle  touchoit  au  ciel,  et  si  les  Anges  de  Dieu  montoyent  et  descendoyent  par  icelle.  13��  Et  voici  l'Eternel  estant  sur  icelle  lequel  dit,  Ie  suis  l'Eternel  Dieu  d'Abraham  ton  pere,  et  le  Dieu  d'Isaac:  ie  donneray  la  terre  sur  laquelle  tu  dors,  a  toy  et  a  ta  semence.  14.  Et  ta  semence  sera  comme  la  poudre  de  la  terre,  et  sera  multipliee  en  Occident,  et  Orient,  et  Septentrion  et  Midi:  et  toutes  les  lignees  de  la  terre  seront  benites  en  toy  et  en  ta  semence.  15.  Et  voici,  ie  suis  avec  toy  :  et  te  garderay  par  tout  ou  tu  iras  :  et  te  feray  retourner  en  ceste  terre.  Car  ie  ne  te  delaisseray  point,  iusques  a  ce  que  i'auray  fait  ce  que  ie  t'ay  dit.  16.  Or  quand  Iacob  fut  esveille  de  son  dormir,  il  dit,  Comment?  l'Eternel  est  en  ce  lieu,  et  ie  n'en