54:43  43  SERMON  IV  44  nous  voyons  qu'ils  ayent  chemine  en  bonne  conscience,  et  qu'on  les  accouipe,  et  qu'on  les  tourmente,  voire  pour  avoir  servi  a  Dieu,  que  tout  cela  soit  pour  effacer  les  opprobres  du  monde.  Et  voila  pourquoy  sainct  Paul  adiouste,  Sois  participant  des  afflictions  de  l'Evangile.  Car  il  n'y  a  celuy  qui  ne  s'espargnast  volontiers,  nous  avons  cela  de  nature:  et  combien  que  nous  confessions,  voire  sans  feintise,  que  c'est  une  grace  singuliere  que  Dieu  fait  quand  il  se  sert  des  hommes  pour  maintenir  sa  cause,  il  n'y  a  celuy  neantmoins  qui  ne  se  "voulust  exempter  de  persecution.  Nous  louerons  bien  ceux  qui  se  presentent  vaillamment  aux  combats  (comme  les  Martyrs  de  nostre  Seigneur  Iesus  Christ  sont  dignes  d'estre  prisez  et  honorez),  mais  cependant  il  n'y  a  celuy  qui  ne  soit  content  d'estre  loin  des  coups.  Et  pourquoy?  Car  nous  ne  regardons  point  a  ceste  admonition  de  sainct  Paul,  c'est  que  l'Evangile  emporte  les  afflictions.  Iesus  Christ  ayant  este  une  fois  crucifie  en  sa  personne,  auiourd'huy  veut  encores  avoir  sa  doctrine  coniointe  a  beaucoup  de  povretez.  Il  feroit  bien  (quand  bon  luy  sembleroit)  que  l'Evangile  seroit  receu  sans  contredit.  Mais  quoy?  Ii  faut  que  l'Escriture  saincte  s'accomplisse,  Qu'il  dominera  au  milieu  de  ses  ennemis.  Il  faut  aussi  que  les  hommes  vienent  a  luy  a  ceste  condition  d'avoir  beaucoup  de  combats,  d'autant  que  les  meschans  s'elevent  a  l'encontre  de  Dieu  quand  il  les  appelle  a  soy.  Il  est  donc  impossible  que  nous  ayons  l'Evangile  sans  affliction:  non  pas  que  les  feux  soyent  tousiours  allumez:  mais  tant  y  a  que  soit  en  une  sorte  ou  en  l'autre,  il  nous  faudra  estre  exercez,  il  faudra  (di-ie)  que  nous  combations  sous  nostre  Seigneur  Iesus  Christ.  Or  maintenant  celuy  qui  se  voudroit  eslongaer  de  la  croix  de  Iesus  Christ,  ne  renonce-il  pas  a  son  salut?  Ou  est  l'esperance  de  vie  sinon  en  ce  que  nous  sommes  rachetez  par  ce  sacrifice  du  Fils  de  Dieu?  Or  est-il  ainsi  qu'il  veut  estre  conforme  en  nous,  et  que  nous  soyons  transfigurez  a  son  image.  Puis  qu'ainsi  est,  apprenons  de  nous  ranger  a  ceste  condition-la,  puis  que  nous  y  sommes  appelez,  comme  nous  avons  veu  par  ci  devant  que  telle  est  la  volonte  de  Dieu  i  il  faut  donc  sans  replique  que  nous  baissions  les  espaules.  Or  maintenant  adioustons  ce  que  dit  ici  S.  Paul:  car  par  degrez  ii  nous  ameine  la,  qu'il  ne  nous  faut  point  avoir  honte  de  nos  freres  :  quand  nous  les  voyons  maudits  et  reprouvez  du  monde,  que  nous  soyons  tousiours  unis  avec  eux.  Et  comment  cela?  Il  monstre  en  premier  lieu,  que  l'Evangile  ne  peut  estre  sans  afflictions  (comme  nous  avons  dit),  il  plaist  a  Dieu  que  les  hommes  soyent  ainsi  divisez.  Non  point  qu'il  n'appelle  tous  a  l'union  de  la  foy,  et  la  doctrine  de  l'Evangile  est  le  message  de  reconciliation:  mais  cependant  voici  les  fideles  qui