53:43  SERMON  IV  44  parle  en  la  Papaute),  il  sera  non  seulement  begue,  mais  du  tout  muet,  s'il  est  question  de  faire  un  sermon.  Et  pourquoy?  C'est  une  chose  tout  autre  que  leur  estude.  Oar  ils  ont  la  comme  des  secrets  de  sorciers,  des  coniurations  ie  ne  scay  quelles,  sans  qu'on  les  puisse  appliquer  a  nul  usage.  Nous  voyons  donc  comme  ces  miserables  sont  empoisonnez  de  Satan.  Et  voila  comme  toute  la  religion  a  este  pervertie,  qu'on  a  seme  des  mensonges  comme  on  a  voulu.  Et  pourquoy?  Pource  que  la  parole  de  Dieu  est  une  chose  trop  basse  et  trop  vulgaire  pour  ces  docteurs  speculatus.  Or  cependant  si  fautil  que  cest  arrest  soit  tenu  comme  irrevocable,  quand  les  hommes  n'auront  point  ce  but  d'estre  edifiez  en  foy  et  charite,  qu'ils  ne  font  que  vaguer,  voire  et  n'y  a  plus  que  vanite  en  tout  leur  cas.  Or  sainct  Paul  adiouste,  que  neantmoins  Us  veulent  estre  reputez  docteurs  de  la  Loyt  ne  scachans  les  choses  dont  ils  parlent,  ne  desquelles  ils  afferment.  Quand  il  dit  que  telles  gens  veulent  estre  docteurs,  et  qu'ils  ne  scavent  ce  qu'ils  disent,  il  monstre  que  il  y  a  deux  choses  contraires  en  eux.  Car  s'ils  avoyent  addonne  leur  estude  a  bien  profiter  en  la  Loy  de  Dieu,  ils  auroyent  une  certitude  telle  qu'il  ne  faudroit  point  estre  en  doute,  quand  on  auroit  este  enseigne  par  eux.  Celuy  qui  aura  bien  profite  en  l'escole  de  Dieu,  ne  se  laschera  plus  la  bride  a  ses  imaginations  pour  inventer  rien  qui  soit,  mais  il  aura  ceste  simplicite  de  se  tenir  a  ce  que  Dieu  nous  monstre  a  tous.  Yoila  donc  comme  tous  ceux  qui  sont  deuement  instruits  en  la  Loy  de  Dieu,  auront  une  cognoissance  certaine:  mais  ceux  qui  ne  scavent  de  quoy  ils  parlent,  monstrent  bien  qu'ils  se  sont  forgez  des  vaines  resveries,  et  qu'ils  ont  voulu  mesler  leurs  inventions  propres  parmi  la  verite  de  Dieu,  qui  n'est  que  faire  une  corruption  pour  tout  aneantir.  Et  pourquoy?  Dieu  a-il  parle?  avons-nous  tesmoignage  de  l'Escriture  saincte?  Ce  nous  doit  estre  assez:  il  n'y  a  plus  de  questions  quand  nous  serons  fondez  en  la  verite  de  Dieu.  Que  tout  le  monde  s'eleve  contre  nous,  si  est-ce  qu'il  nous  faut  tenir  bon,  et  perseverer  en  une  constance  invincible.  Car  nous  scavons  (dit  S.  Paul  en  l'autre  passage)  a  qui  nous  avons  creu.  Car  si  tost  que  nous  douterons  de  la  pure  parole  de  Dieu,  il  faut  que  nous  soyons  en  bransle,  et  que  nous  ne  scachions  ce  que  Dieu  veut  dire.  Or*  quelle  est  la  discretion  et  prudence  d'un  homme,  *quand  il  ne  se  peut  point  assuiettir  a  Dieu,  et  qu'il  prend  ceste  audace  de  vouloir  faire  trouver  bon  ce  qu'il  aura  songe,  au  lieu  que  Dieu  se  reserve  ceste  authorite-  la  d'estre  nostre  seul  maistre?  Si  les  hommes  s'ingerent  a  mesler  leurs  fantasies  parmi,  ne  faut-il  pas  qu'ils  soyent  en  doute  et  en  incertitude?  Toutesfois  d'autant  que  telles  gens  ne  sont  iamais  despourveus  de  hardiesse,  il  adiouste,  quHls  affer-