51:43  43  SERMONS  44  vrayes  estudes  pour  luy  rendre  obeissance.  Et  nous  faut  bien  noter  ce  passage  qui  nous  est  ici  propose,  c'est  a  scavoir  que  si  nous  travaillons  beaucoup  en  nos  inventions,  que  ce  n'est  pas  a,  dire  que  Dieu  accepte  rien  de  tout  cela:  car  nous  demourerons  tousiours  en  nostre  nature  qui  est  perverse.  A  quoy  donc  est-ce  que  Dieu  nous  employe?  Qu'est  ce  qu'il  demande  de  nous?  C'est  en  premier  lieu  que  nous  renoncions  a  toute  perversite,  a  haines,  a  rancunes,  a  toutes  dissensions,  a  fraudes,  a  nuisances,  a  blasphemes,  a  idolatries,  a  cruautez,  a  violences,  a  trahisons,  a  envies  et  a  toutes  inimities.  Voila  donc  comme  il  nous  faut  estre  bons  gensdarmes,  pour  nous  addonner  au  service  de  Dieu,  combatans  contre  les  oeuvres  de  la  chair  et  non  point  contre  les  oeuvres  qui  apparaissent,  et  que  le  monde  condamne  ou  approuve:  mais  contre  les  appetis  qui  sont  cachez:  que  nous  soyons  purgez  de  ceste  ordure,  qui  est  la  cropissante  dedans  nos  coeurs:  et  puis  que  nous  appliquions  la  toute  nostre  estude:  non  pas  que  nous  le  puissions  faire  de  nous-mesmes:  mais  que  nous  soyons  attentifs  a  prier  Dieu,  et  qu'un  chacun  se  solicite  et  soir  et  matin:  et  quand  il  aura  cognu  ses  vices,  qu'il  soit  esmeu  a  gemir  et  demander  secours  dont  il  doit  venir,  c'est  a  scavoir  que  Dieu  remedie  au  mal  duquel  il  avoit  este  frappe.  Quand  donc  nous  mettrons  peine  tant  et  plus  a  mener  vie  heureuse,  a  estre  debonnaires,  a  estre  patiens  en  nos  adversitez,  a  souffrir  iniures  et  outrages  sans  en  cercher  vengeance:  quand  nous  aurons  cela,  alors  il  y  aura  a  quoy  nous  occuper  et  ne  point  estre  oisifs.  Et  cependant  laissons  faire  les  Papistes,  quand  ils  badinent  ainsi  avec  Dieu:  car  pourquoy  est-ce  qu'ils  tracassent  ainsi?  C'est  d'autant  que  iamais  n'ont  cognu  comme  il  vouloit  estre  servi  et  honore,  et  leur  semble  que  ce  n'est  rien  de  ce  que  Dieu  ordonne  au  pris  de  leurs  folles  inventions.  Exemple  :  quand  un  homme  travaillera  honnestement  pour  gagner  sa  vie,  encores  qu'il  n'ait  point  a  manger  du  pain  bis  son  saoul,  neantmoins  il  ne  laissera  pas  d'invoquer  Dieu  au  matin,  et  luy  en  rendre  louange  au  soir.  Que  s'il  a  des  enfans,  il  espargnera  tout  ce  qu'il  luy  sera  possible  pour  ies  nourrir  et  vestir.  Et  puis  que  si  Dieu  luy  envoye  des  afflictions  en  son  menage,  il  les  portera  patiemment.  S'il  est  de  quelque  art  mecanique,  ou  bien  qu'il  ait  quelque  autre  traffique,  il  s'abstiendra  de  frauder  ses  prochains,  qu'il  aimeroit  mieux  mourir  quo  de  faire  tort  a  nul:  quand  donc  un  homme  cheminera  en  telle  sorte  qu'il  sera  de  vie  honneste  en  premier  lieu,  qu'il  n'y  aura  nulle  presomption  en  luy  pour  s'advancer  outre  mesure:  il  ne  sera  point  addonne  a  intemperance:  mais  sobre  en  son  boire  et  en  son  manger,  patient  en  toutes  ses  ad-