5:43  DE  CLEMENTIA  hostes  imminent,  aut  intestini  ae  domestici.  Hi  insidiis  adoriuntur,  illi  magis  congrediuntur  aperto  marte.  Utrique  periculo  est  suum  remedium,  ubi  subditi  parati  sunt  et  mucronibus  insidiantium  obiicere  se  et  substernere  corpora  sua  ete.  Substernere  corpora  sua]  Metaphora  est  elegans,  et  cui  etiam  gratiam  addit  rhetorica  v7teQ짠oltj.  Neque  enim  proprie  sternitur  via  ad  salutem  imperantis  ex  corporibus  humanis  :  neque  id  caret  excessu,  ut  corpora  sua  substernant,  et  iter  illi  instruant  ex  strage  cadaverum.  Verba  autem  bene  inter  se  conveniunt,  et  metaphorae  sunt  appositissima.  Sternere  enim  et  instruere  pro  eo  usitata  sunt  apud  autores,  quod  alias  pavire  alias  munire  dicitur.  Ad  hanc  sententiam  videtur  Lucanus  allusisse  libro  primo,  ubi  tamen  ironice  deridet  Neronem:  Quod  si  non  aliam  venturo  fata  Neroni  Invenere  viam,  magnoque  aeterna  parantur  Regna  diis,  coelumque  suo  servire  tonanti  Non  nisi  magnorum  potuit  post  bella  gigantum:  Iam  nihilo  superi  querimur,  scelera  ipsa  nefasque  Hac  mercede  placent:  diros  Pharsalia  campos  Impleat,  et  Poeni  saturentur  'sanguine  manes  ete.  Non  hic  est  sine  ratione]  Prolepsis  seu  occupatio,  ne  quis  cavilletur  temeritatem  esse  atque  insaniam,  tot  hominum  millia  se  morti  destinare,  ut  unius  vitam  morti  eximant:  se  in  certum  mortis  periculum  proiicere,  ut  ab  uno  capite  repellant.  Hic  respondet  Seneca,  principem  esse  in  republica  tanquam  animum  in  corpore.  Quemadmodum  animus  omnia  membrorum  ministeria  regit  ac  moderatur,  ita  subditi  principis  nutum  ad  omnia  officia  intuentur  et  observant.  Multis  mortibus  unam  animam  redimere]  Quasi  diceret  male  pensari  tot  mortes  unius  vita,  eoque  peius,  si  senex  iuvenum,  valetudinarius  robustorum  interitu  redimitur.  Quorsum  igitur  attinet  tantum  iacturae  facere  non  ita  magna  mercede?  nonne  publice  delinquitur,  et  privatim?  Sunt  haec  etiam  dicta  xara  xrjv  nqohjypiv.  Quemadmodum  totum  corpus]  Nihil  ad  similitudinem  poterat  aptius  aut  propius  excogitari.  Siquidem  ut  princeps  et  unus  est,  et  interdum  senex  et  valetudinarius,  ita  animus  hominis  pusillum  est  quiddam  et  minutulum,  nullis  oculis  conspicuum.  Rursum  corporis  [pag.  32]  vasta  moles,  et  honesta  membrorum  proportione  speciosa,  et  varia  officiorum  distinctione.  Respublica  constat  ex  infinito  paene  hominum  numero,  nec  minori  officiorum  varietate.  Tertio  membra  corporis  habent  quidem  a  se  vigorem  et  naturalem  impetum,  sed  penes  animum  est  temperatura.  In  vulgo  plus  satis  roboris,  consilii  parum,  nisi  aliunde  sustineretur.  Ita  per  partes  excutienda  est  eorum  similitudo  quae  inter  se  comparantur.  In  hanc  sententiam  refert  Tacitus  lib.  I.,  quum  Tiberius  negaret  se  sufficere  toti  reipublicae  administrandae,  interrogatum  ab  Asinio  Gallo  quam