49:43  43  EPIST.  PAULI  AD  ROMANOS  44  quandoquidem  apud  Iesaiam  nullae  sunt  exprobrationes  adversus  populum,  quibus  totum  illud  Ezechielis  caput  refertum  est.  Putant  autem  quidam  esse  argumentum  a  minori  ad  maius,  in  hunc  sensum:  Si  aetatis  suae  Iudaeos  non  abs  re  increpuit  propheta,  quod  propter  eorum  captivitatem  haberetur  ludibrio  inter  gentes  Dei  gloria  et  potentia,  ac  si  populum,  quem  in  protectionem  suam  susceperat,  non  potuisset  conservare:  multo  magis  estis  Dei  probra  et  dehonestamenta,  ex  quorum  pessimis  moribus  aestimata  eius  religio  male  audit.  Quam  sententiam  ut  non  refello,  ita  simpliciorem  malo:  ac  si  dictum  esset:  Videmus  omnia  israelitici  populi  vituperia  in  nomen  Dei  recidere:  quia,  quum  Dei  populus  habeatur  et  dicatur,  Dei  nomen  velut  fronti  insculptum  gerit:  unde  necesse  est,  apud  homines  Deum,  cuius  se  nomine  venditat,  ipsius  turpitudine  quodammodo  infamari.  Est  autem  hoc  valde  indignum,  qui  gloriam  a  Deo  mutuantur,  ignominiae  notam  sacro  eius  nomini  adspergere.  Nam  saltem  decebat  aliam  rependere  mercedem.  25.  Nam  circumcisio  quidem  prodest,  si  legem  observes.  Quod  si  transgressor  legis  fueris,  circumcisio  tua  in  praeputium  versa  est  26.  Si  ergo  praeputium  iustitias  legis  servaverit,  nonne  praeputium  eius  pro  circumcisione  censebitur?  27.  Et  iudicabit  quod  ex  natura  est  praeputium  (si  legem  servaverit)  te,  qui  per  literam  et  circumcisionem  transgressor  es  legis?  28.  Non  enim  qui  est  in  aperto  Iudaeus,  is  Iudaeus  est:  nec  quae  in  aperto  est  circumcisio  in  carne,  ea  est  circumcisio:  29.  sed  qui  est  in  occulto  Iudaeus,  et  circumcisio  cordis  in  spiritu,  non  litera:  cuius  laus  non  ex  hominibus  est,  sed  ex  Deo.  25.  Circumcisio  quidem  prodest.  Per  anticipationem  diluit,  quae  rursum  contra  excipere  in  defensionem  suae  causae  Iudaei  poterant:  nam  si  foederis  Domini  symbolum  erat  circumcisio,  quo  Abrahamum  et  semen  eius  sibi  in  peculium  Dominus  selegerat:  inde  videbantur  non  frustra  gloriari.  Sed  quoniam,  omissa  signi  veritate,  in  externa  eius  specie  haerebant:  respondet  non  esse  cur  sibi  quidquam  ex  nudo  signo  arrogent.  Veritas  circumcisionis  in  promissione  spirituali  sita  erat,  quae  fidem  requirebat.  Utrumque  negligebant  Iudaei,  tam  promissionem  quam  fidem.  Stulta  ergo  erat  ipsorum  confidentia.  Unde  fit  ut  praecipuum  circumcisionis  usum  hic  praetermittat,  dum  scilicet  sermonem  accommodat  ad  crassum  ipsorum  errorem,  quemadmodum  et  ad  Galatas.  Atque  id  sedulo  notandum  est.  Nam  si  de  tota  circumcisionis  et  natura  et  ratione  dissereret,  absurdum  esset,  nullam  fieri  gratiae  et  gratuitae  promissionis  mentionem.  Verum  utroque  loco  pro  causae  quam  tractat  circumstantia  loquitur:  ideo  tantum  eam  partem  attingit,  de  qua  controversia