44:43  43  IN  SOPHONIAM  44  Domino  suas  opportunitates  esse  notas,  ut  virtutem  suam  exserat  ubi  opus  fuerit.  Assyria  autem  respectu  Iudaeae  septentrionalis  erat:  ideo  dicit,  Ad  aquilonem  Dominus  manum  extendet,  et  perdet  Assyriam:  ponet  Nineven  in  vastationem,  ut  sit  instar  deserti.  Sequitur  :  14.  Et  cubabunt  in  medio  eius  greges,  omnes  bestiae  gentium:  etiam  onocrotalus,  etiam  noctua  (alii  vertunt  pro  onocrotalo,  ibin,  alii  cuculum,  alii  pro  noctua,  ericium),  in  postibus  eius  pernoctarunt:  vox  cantabit  m  fenestra,  in  poste  vastitas  (alii  vertunt  corvum:  sed  nomen  vastitatis,  quod  postulat  ratio  grammaticae,  retinendum  nobis  est),  quia  nudavit  cedrum  (vel  contignationem).  Hic  describit  propheta  formam  urbis  et  regionis  vastatae.  Dicit  fore  cubile  gregibus  in  medio  urbis  Ninevae.  Scimus  fuisse  urbem  populosam.  Atqui  in  frequentia  hominum  non  esset  locus  gregibus,  praesertim  in  medio  urbis  sinu  et  loco  celeberrimo.  Ergo  mutatio  non  vulgaris  hic  describitur  quum  dicit  propheta  greges  accubituros  in  medio  Ninevae,  Adiungit  omnes  bestias.  Nam  animalia  quae  solitudinem  captant  et  fugiunt  hominum  conspectum,  solent  perrumpere,  ubi  vident  regiones  vacuas  et  desertas:  ac  liberius  tunc  grassantur,  quemadmodum  fieri  solet  post  clades  bellicae:  et  si  qua  regio  nudata  sit  suis  incolis,  lupi  et  leones  et  ferae  bestiae  vagantur  summa  licentia.  Sic  etiam  propheta  ex  alienis  et  remotissimis  terris  venturas  dicit  feras,  quae  reperient  locum  ubi  prius  fuerat  Nineve.  Adiungit  vel  onocrotalos,  vel  ibides,  vel  cuculos  et  eiusmodi  aves  sylvestres.  Neque  enim  laboro  de  unaquaque  specie:  quia  mihi  sufficit  tenere  prophetae  consilium.  Deinde  Iudaei  etiam,  quamvis  audacter  affirment  vel  esse  onocrotalum  vel  ibin,  tamen  nihil  afferunt  certi.  Denique  huc  pertinet  descriptio,  fore  locum  illum,  quem  ante  colebat  magna  hominum  frequentia,  sic  desertum,  ut  tantum  sylvestres  bestiae  et  nocturnae  aves  futurae  sint  incolae.  Tenendum  autem  memoria  est  quod  dixi,  haec  omnia  proponi  Iudaeis,  ut  miserias  suas  patienter  ferant,  quarum  intelligunt  Deum  fore  vindicem:  quia  haec  sola  etiam  nobis  fultura  restat  in  gravissimis  malis,  sicuti  Paulus  admonet  primo  capite  secundae  ad  Thessalonicenses,  venturum  scilicet  tempus  quo  Dominus  relaxationem  nobis  dabit  et  refrigerium  :  poenam  vero  sumet  de  adversariis  nostris.  Et  Ninevem  praecipue  nominat  propheta,  ut  agnoscant  Iudaei  nihil  tam  pretiosum  esse,  vel  splendidum  in  mundo,  quod  Deus  non  posthabeat  ecclesiae  suae  saluti,  quemadmodum  dicitur  apud  Iesaiam  (43,  3),  Dabo  pretium  redemptionis  vestrae  Aegyptum:  sic  etiam  Deus  minatur  urbi  opulentissimae,  ut  testetur  quantopere  diligat  electum  populum.  Hoc  autem