41:43  43  PRAELECTIONES  U  tres  costas  tria  regna  intelligunt  definite,  videatur  nimis  argute  philosophari.  Ego  igitur  definitum  numerum  esse  existimo,  quod  bestia  haec  non  tantum  costam  unam  momorderit  ore  suo,  sed  plures:  quia  Persae,  ut  diximus,  traxerunt  ad  se  potentiam  Medorum,  postea  subiugarunt  Assyrios  et  Chaldaeos:  et  Cyrus  etiam  subegit  plures  gentes,  ita  ut  Asia  minor  susceperit  eius  imperium.  Quum  ergo  loquitur  propheta  de  tribus  costis,  perinde  est  ac  si  diceret  bestiam  hanc  fuisse  inexplebilem,  quia  non  contenta  esset  corpore  uno,  sed  voraret  multos  simul  homines.  Nam  per  plures  costas  intelligit  plures  praedas.  Haec  est  summa.  Iam  non  dubito  de  angelis  exponere,  vel  de  ipso  Deo  quod  sequitur,  dictum  fuisse  bestiae.  Quidam  referre  hoc  malunt  ad  flabella,  a  quibus  instigatus  fuit  Cyrus  ad  saevitiam.  Sed  quoniam  Deus  prophetae  suo  exhibuit  imaginem  suae  providentiae,  magis  probabile  est  quod  nuper  attuli,  nempe  fuisse  dictum  bestiae,  Surge  j  comede  carnem  plurimam:  non  quod  Deus  sit  autor  saevitiae:  sed  quoniam  occulto  iudicio  gubernat  quae  homines  hic  sine  modo  gerunt,  merito  hic  eius  autoritas  nobis  ante  oculos  statuitur,  quod  scilicet  Cyrus  non  tam  cito  penetraverit  in  diversas  regiones  et  ad  se  traxerit  tot  imperia,  et  iugum  imposuerit  tot  ac  tam  validis  gentibus,  nisi  quia  Deus  mundum  volebat  ulcisci,  et  statuerat  Cyrum  quasi  carnificem.  Quoniam  ergo  Cyrus  exsequutus  est  Dei  vindictam,  tantum  fundendo  humani  sanguinis,  ideo  propheta  narrat  ei  fuisse  dictum,  Surge,  comede  carnem.  Respectu  Cyri  non  placuit  Deo  tot  gentes  profligari,  vel  cum  tanta  humani  sanguinis  iactura  augeri  unius  hominis  potentiam  et  tyrannidem:  sed  alio  respectu  dicitur  Deus  Cyro  mandasse  quidquid  fecit,  nempe  quia  volebat  tunc  poenam  exigere  de  mundi  ingratitudine,  ad  quam  accesserat  plus  quam  desperata  pertinacia  et  rebellio.  Nullum  enim  erat  remedium  vitiis.  Ergo  oportuit  Deum  praeficere  Cyrum  exsequendo  suo  iudicio.  Cogor  hic  subsistere.  6.  Post  hoc  vidi  (hoc  est,  visio  mihi  fuit  oblata)  et  ecce  alia  (bestia  scilicet)  sicut  pardus  (similis  pardo),  et  alae  quatuor  avis  super  dorsum  eius,  et  quatuor  capita  bestiae:  et  potestas  data  est  ei.  Loquutus  est  Daniel  de  imperiis  duobus,  nempe  chaldaico  et  Persico.  Consentiunt  interpretes  visionem  hanc  debere  referri  ad  imperium  macedonicum.  Comparat  autem  regnum  illud  pardo  (alii  vertunt  pantheram)  quia  mera  celeritate  Alexander  adeptus  est  tantam  potentiam  :  et  quum  esset  alioqui  non  adeo  splendidum  animal,  tamen  hoc  profecit  sua  festinantia,  ut  domuerit  totum  Orientem.  Alii  multas  similitudines  adducunt,  in  quibus  Graecorum  ingenia  respondent  naturae  pardi.  Sed  quo-