40:43  43  PRAELECTIONES  44  14.  Et  animalia  currebant,  et  revertebantur  instar  fulguris  (utitur  quidem  alia  voce,  sed  quae  idem  significat  po  et  pH3  idem  sunt:  significant  tam  fulgur  quam  coruscationem).  Hic  clarius  explicat  propheta  quod  poterat  alioqui  esse  obscurum.  Dicit  igitur  animalia  cursitasse,  et  fuisse  reversa  instar  figuris:  quibus  verbis  haud  dubie  significat  summam  celeritatem  in  animalibus.  Fulgur  enim  (quemadmodum  Christus  utitur  illa  comparatione  ubi  loquitur  de  suo  adventu)  egreditur  ab  una  parte  mundi,  et  statim  ad  oppositam  penetrat.  Quum  ergo  tanta  sit  fulguris  celeritas,  ut  quasi  momento  cursitet  per  coelorum  immensitatem  ,  hac  ratione  dicit  propheta  animalia  cucurrisse,  et  fuisse  reversa  instar  fulguris:  quasi  diceret,  quamcunque  in  partem  Deus  vellet  impellere  animalia  illa,  fuisse  prompta  ad  obsequium:  sicuti  diximus  angelos  praesto  esse,  ut  Dei  mandata  exsequantur:  sed  non  possumus  capere  summam  illam  pernicitatem,  quae  est  in  eorum  cursu,  nisi  hac  comparatione  fulguris.  Iam  videmus  quam  bene  haec  duo  inter  se  consentiant,  animalia  non  fuisse  reversa,  et  fuisse  reversa:  non  fuerunt  reversa,  ut  iam  dixi,  donec  ad  metam  perventum  esset:  quia  etiam  si  multa  impedimenta  occurrant,  Deus  tamen  perrumpit,  ut  eius  actiones  nunquam  intercidant.  Diabolus  quidem  conatur  suis  obstaculis  Deum  cogere  ad  retrocedendum:  sed  hic  propheta  ostendit,  ubi  Deus  aliquid  statuit,  promptos  esse  angelos  ad  mundum  gubernandum,  et  tantum  esse  in  illis  vigorem,  ut  pergant  ad  extremum  usque,  nempe  quatenus  virtutem  suam  Deus  illis  inspirat.  Postea  sequitur,  15.  Et  adspexi  animalia  (hoc  est  quum  adspicerem  animalia),  ecce  rota  una  in  terra  prope  animalia  ad  quatuor  ad  faciem  cuiusque.  Descendit  nunc  propheta  ad  rotas,  quae  coniunctae  erant  animalibus.  Habuit  igitur  unumquodque  animal  rotam  duplicem,  ut  postea  videbimus,  hoc  est  rotam  unam  implicitam  rotae.  Quod  non  simul  uno  intuitu  propheta  cognovit  rotas  stare  prope  animalia,  hoc  ad  magnitudinem  visionis  referri  debet.  Quamvis  enim  esset  attentus,  et  haud  dubie  Deus  spiritu  intelligentiae  ipsum  donasset:  denique  quamvis  esset  quodammodo  receptus  in  coelum:  tamen  in  eo  convictus  fuit  suae  infirmitatis,  quod  non  potuit  semel  complecti  tantam  visionem.  Deinde  admonitus  etiam  fuit  huius  admirabilis  arcani,  ut  maiore  reverentia  attenderet  ad  totum  spectaculum.  Dicit  ergo  quum  oculos  haberet  defixos  in  animalia,  statim  apparuisse  rotas.  Utitur  quidem  singulari  numero,  sed  satis  postea  declarat  fuisse  quatuor  rotas.  Et  tollit  nunc  omnem  dubi-