39:43  43  PRAELECTIONES  44  quod  scilicet  timorem  sui  ponet  in  corda  ipsorum^  ne  unquam  discedant  ab  ipso.  Eadem  doctrina  quam  nuper  vidimus,  nuno  iterum  repetitur,  sed  aliis  verbis:  et  ita  Deus,  quemadmodum  dixi,  melius  illustrat  suam  gratiam.  Dicit  ergo  se  positurum  timorem  sui  in  cordibus  hominum.  Iam  videmus  refelli  puerile  illud  commentum,  quo  inebriati  sunt  papistae,  quum  dicunt  cooperari  gratiam  Dei,  quia  scilicet  spiritus  adiuvat  infirmitatem  hominum:  quasi  scilicet  ipsi  aliquid  de  suo  conferrent,  et  essent  cooperarii.  Propheta  autem  hic  testatur  timorem  Dei  esse  opus  et  beneficium  spiritus  sancti:  non  dicit,  Dabo  illis  potestatem  timendi  me  :  sed  ponam  timorem  mei,  inquit,  in  cordibus  eorum.  Videmus  ergo  ut  rursus  demonstret  efficaciter  operari  Dei  spiritum  in  nobis,  ut  formet  omnes  affectus,  non  autem  relinquat  eos  flexibiles  vel  suspensos,  quemadmodum  Ezechielis  36.  capite  (v.  27)  dicitur,  Et  faciam  ut  timeant  me:  illic  etiam  confirmat  Ezechiel  eandem  doctrinam  quum  dicit  Deum  facturum  ut  Israelitae  eum  timeant,  non  autem  ut  possint  timere.  Videmus  ut  resideat  effectus  operis  et  complementum  penes  Deum  ipsum,  et  spiritum  eius.  Rursus  addit,  Ut  non  discedant  a  me.  Videmus  clare  illas  ineptias  refutari  de  media  gratia,  quae  tantum  facultatem  hominibus  offert,  quam  postea  liberum  sit  amplecti  si  libuerit.  Dicit  enim  propheta,  ut  non  discedant.  Et  rursus  docet  perseverantiam  non  minus  quam  principium  bene  agendi  esse  Dei  beneficium,  et  opus  spiritus  sancti:  et  quemadmodum  nuper  dicebam,  si  tantum  formaret  semel  Deus  corda  nostra,  ut  propensi  essemus  ad  bene  agendum,  singulis  momentis  posset  diabolus  suis  insidiis  nos  abducere  a  recto  cursu,  vel  ut  habet  violentos  impetus,  posset  nos  abripere  sursum  et  deorsum.  Nihil  ergo  nobis  prodesset  unius  horae  gubernatio,  nisi  toto  vitae  cursu  Deus  nobis  manum  teneret,  et  perduceret  usque  ad  metam.  Hinc  ergo  sequitur,  totum  vitae  cursum  dirigi  a  spiritu  Dei,  ita  ut  non  minus  finis  quam  principium  bonorum  operum  debeat  adscribi  eius  gratiae.  Ergo  quidquid  meriti  homines  sibi  arrogant,  Deo  auferunt,  et  hoc  modo  sunt  sacrilegi.  Posset  tamen  hic  moveri  quaestio:  videmus  fideles  saepe  labi,  nec  decies  tantum  in  vita,  sed  singulis  diebus.  Quid  ergo  hoc  sibi  vult,  ubi  operatur  spiritus  Dei  esse  eius  talem  efficaciam,  ut  nunquam  deflectant  homines  a  recta  via?  Si  quis  respondeat,  fideles  labi  quidem,  sed  non  deficere  prorsus,  Deum  autem  hic  defectionem  notare,  quae  excutiat  omnem  Dei  timorem,  non  erit  plena  solutio.  Videmus  enim  etiam  electos  ipsos  interdum  similes  esse  apostatis.  Suffocatur  enim  in  illis  Dei  timor,  et  religio  :  non  exstinguitur  quidem  pietas,  sed  ne  scintilla  quidem  spiritus  in  ipsis  apparet.  Verum  notandum  est  sic  inflexibilem  perseverantiam  fidelibus  dari,  ut  etiam  si  labantur  statim  re-