35:43  43  SERMON  CXXII  44  Iob  demandoit  que  Dieu  vint  a  luy  sans  lay  apporter  une  frayeur  telle  comme  il  la  sentoit.  Si  Dieu  estoit  comme  mon  pareil  (disoit  Iob)  ie  luy  pourroye  respondre:  et  combien  qu'il  ait  toute  autorite  sur  moy,  si  est-ce  que  ie  pourroye  maintenir  ma  cause.  Voila  comme  Iob  parloit.  Ainsi  ce  passage  se  pourroit  exposer,  Me  voici  selon  ta  bouche,  c'est  a.  dire  selon  ce  que  tu  as  demande:  ou  bien,  Me  voici  selon  ta  mesure,  c'est  a  dire,  Ie  suis  semblable  a  toy  quant  a  Dieu.  Toutes  fois  la  sentence  demeurera  tousiours  une:  et  ainsi  il  ne  nous  faut  pas  trop  insister  sur  ce  mot.  Regardons  tousiours  la  ou  Eliu  veut  revenir,  c'est  assavoir  qu'il  n'est  pas  Dieu  qu'il  puisse  effrayer  Iob,  mais  qu'il  est  cree  de  boue  comme  Iob:  c'est  a  dire  qu'il  est  une  creature  mortelle  et  caduque,  et  qui  n'a  en  soy  nulle  vertu.  Oar  dest  dit-il,  VEsprit  de  Dieu  qui  m'a  forme,  et  le  souffle  du  Tout-puissant  qui  m'a  donne  vie.  En  somme  nous  voyons  qu'Eliu  declare  ici  a  Iob  qu'il  parlera  contre  luy  en  telle  raison  que  Iob  en  sera  vaincu.  Tu  ne  pourras  plus  alleguer,  dit-il,  que  c'est  Dieu  qui  t'espouvante,  qu'il  a  sa  gloire  qui  t'e��t  espouvantable,  et  que  tu  ne  peux  avoir  droit  de  luy:  tu  ne  pourras  dire  cela.  Qui  suis-ie?  Me  voici  une  povre  masse  de  terre  et  de  fange.  Il  est  vray  que  i'ay  esprit  et  vie,  mais  ie  le  tien  de  Dieu:  tant  y  a  que  me  voici  plein  de  fragilite  coihme  toy.  Ainsi  donc  il  n'y  aura  que  la  raison  qui  domine  entre  nous  deux,  et  faudra  que  tu  demeures  confus.  Nous  voyons  en  somme  les  deux  poincts  qui  sont  ici  contenus.  Le  premier  c'est,  qu'Eliu  declare  que  ses  paroles  sont  la  droiture  de  son  coeur,  et  qu'il  ne  dira  rien  que  ce  qu'il  a  pense  et  conceu  en  soy.  Ceci  est  bien  digne  d'estre  note:  car  nous  en  pouvons  recueillir,  comme  celuy  qui  porte  la  parole  de  Dieu  doit  estre  dispose:  c'est  assavoir  qu'il  n'ait  point  un  babil  au  bout  de  la  langue,  et  qu'il  ne  iette  point  des  propos  a  la  volee:  et  mesmes  ioue  une  farce:  mais  que  selon  qu'il  est  enseigne  de  Dieu,  il  communique  a  ceux  qui  lui  sont  commis  en  charge,  ce  qui  est  imprime  la  dedans.  Ainsi  donc  voulons-nous  purement  servir  a  Dieu  en  nostre  office?  Il  nous  faut  devant  toutes  choses  retenir  nostre  langue,  qu'elle  ne  parle  sinon  ce  que  nous  aurons  imprime  dedans  le  coeur.  Et  de  fait,  nous  oyons  ce  qui  est  dit  par  David,  et  que  S.  Paul  allegue  (Pse.  116,10;  2.  Cor.  4,  13),  l'appliquant  a  tous  ministres  de  la  parole  de  Dieu,  I'ay  creu,  et  pourtant  ie  parleray.  Vray  est  que  cela  est  commun  a  tous  Chrestiens  et  enfans  de  Dieu:  mais  sur  tout  il  doit  estre  observe  de  ceux  que  Dieu  a  establis  comme  organes  de  son  sainct  Esprit.  Quand  nous  parlerons,  voila  Dieu  qui  veut  estre  escoute  en  nos  personnes.  Puis  qu'ainsi  est  donc  qu'il  nous  a  fait  un?  si  grand  honneur,  c'est  pour  le  moins  que  nous  ayons  sa