34:43  43  SERMON  LXV  U  l'autre,  pour  donner  la  foy,  et  pour  s'obliger.  Voila  donc  l'intention  de  Iob,  mais  assavoir,  si  ce  desir  est  a  excuser,  quand  il  a  demande  a  Dieu  qu'il  peust  plaider  contre  lui?  Il  est  bien  certain  que  non.  Car  nous  n'avons  rien  plus  desirable  (comme  ii  fut  hier  touche  en  passant)  que  de  venir  devant  Dieu,  et  qu'il  soit  nostre  iuge,  voire  pour  nous  traitter  a  sa  facon.  Vray  est  que  s'il  desploye  sa  rigueur  contre  nous,  il  faut  que  nous  demeurions  confus  :  mal-heur  sur  les  povres  creatures  qui  viendront  pour  estre  iugees  en  rigueur  et  sans  misericorde.  Mais  d'autant  que  Dieu  nous  aime,  pour  nous  recevoir  par  la  remission  de  nos  pechez  qu'il  nous  offre,  et  qu'en  nostre  Seigneur  Iesus  Christ  il  declare  qu'il  a  este  reconcilie  avec  nous,  et  prononce  tous  ceux  ausquels  les  pechez  sont  pardonnez  estre  bien-heureux:  quand  nous  oyons  ces  proposla,  pouvons-nous  souhaiter  meilleure  condition,  que  de  venir  devant  la  face  de  celui  qui  abolit  nos  fautes,  et  qui  les  iette  derriere  son  dos,  et  au  profond  de  la  mer,  comme  il  en  est  parle?  Et  mesmes  voila  nostre  Seigneur  Iesus  Christ,  auquel  est  donnee  toute  puissance  de  iuger,  qui  est  pour  maintenir  nostre  cause,  il  est  nostre  advocat.  Ne  pensons-nous  point  qu'il  doive  faire  valoir  la  mort  qu'il  a  enduree  tant  amere  pour  nous?  Ainsi  donc,  si  les  hommes  estoyent  advisez  comme  ils  devroyent,  il  n'y  auroit  rien  plus  a  souhaiter,  que  d'estre  iugez  de  Dieu,  voire  moyennant  qu'ils  puissent  avoir  leur  refuge  a  sa  misericorde,  et  qu'ils  se  rendent  entre  les  mains  de  nostre  Seigneur  Iesus  Christ,  qui  ne  veut  point  nous  iuger  a  nostre  condamnation,  mais  plustost  afin  de  nous  absoudre.  Et  pourquoy?  Car  nous  pouvons  dire  alors  avec  sainct  Paul  (Rom.  8,  32),  Qui  est  celui  qui  nous  condamnera?  Dieu  est  celui  qui  nous  iustifie.  Qui  est-ce  qui  nous  accusera,  puis  que  Iesus  Christ  est  I'ad  vocat  qui  defend  nostre  cause,  et  celui  aussi  qui  respond  pour  nous  devant  Dieu  son  Pere?  Maintenant  craindrons-nous  d'estre  ni  accusez  ni  condamnez?  Mais  quoy?  Iob  a  ici  declare  comme  il  s'est  trouve  agite  en  ses  passions  et  tormens:  et  par  cela  nous  sommes  instruits  de  reprimer  nostre  malice."  Pourquoy?  Car  nous  voyons  quels  sont  les  excez  de  nostre  nature.  Si  nous  laschons  la  bride  a  nos  affections,  ou  est-ce  qu'il  nous  en  faudra  venir?  Iob  demande  de  plaider  contre  Dieu.  Helas!  Et  pourra-il  gaigner  sa  cause?  Mais  il  demande  d'estre  abysme.  Autant  en  ferons-nous,  si  ce  n'est  que  Dieu  nous  reprime,  et  qu'il  nous  face  la  grace  de  pouvoir  domter  nos  passions.  Notons  bien  donc  en  premier  lieu,  que  quand  les  hommes  se  laisseront  transporter  par  leurs  affections  charnelles,  ils  se  desborderont  iusques-la,  et  s'endurciront  tellement,  qu'ils  ne  feront  nulle  difficulte  de  se  venir  ruer  contre  Dieu:  et  c'est  une