33:43  43  SERMON  II  44  Dieu.  S'il  estoit  dit  simplement  que  Iob  a  sanctifie  le  Seigneur,  on  diroit,  Et  bien,  c'estoit  un  preud'-  homme  quant  a  lui,  mais  il  n'a  pas  eu  grande  solicitude  de  ses  enfans:  ce  lui  a  este  assez  de  s'acquitter  envers  Dieu,  mais  il  a  mis  la  bride  sur  le  col  aux  autres.  Or  a  l'opposite  il  est  dit,  qu'il  leur  a  mande,  qu'ils  se  sanctifiassent,  et  cela  se  fust  fait  en  vain,  et  eut  este  inutile,  sinon  qu'ils  eussent  long  temps  desia  este  enseignez,  comme  ils  devoyent  cheminer  en  la  crainte  de  Dieu.  Et  combien  que  desia  ils  fussent  devenus  hommes  d'aage,  et  que  chacun  eust  sa  maison,  et  sa  table  a  part:  si  est-ce  neantmoins  que  Iob  ne  laissoit  point  de  les  tenir  tousiours  sous  quelque  discipline.  Voila  donc  une  instruction  qui  nous  est  bien  utile,  c'est  a  savoir,  que  les  peres  doivent  tellement  conduire  leurs  enfans,  que  Dieu  soit  honore  de  tous.  Et  d'autant  nous  faut-il  mieux  noter  ceste  doctrine,  que  nous  voyons  qu'elle  est  si  mal  pratiquee.  Car  auiourd'huy  ceux  qui  ont  des  enfans  veulent  bien  qu'ils  soyent  enseignez:  mais  qu'ils  soyent  menez  d'un  zele,  et  affection  de  Dieu,  a  grand  peine  en  trouvera  on  de  cent  l'un.  Quoi  donc?  chacun  pense  a  son  profit.  Il  dira  bien,  ie  voudrois  que  mon  enfant  fust  enseigne:  mais  quoi?  quand  il  aura  bon  esprit,  qu'il  parviene,  qu'il  se  face  valoir,  qu'il  amasse  des  biens,  qu'il  soit  en  credit,  et  en  honneur.  Voila  les  regards  qu7auront  les  peres,  quand  ils  voudront  que  leurs  enfans  soyent  enseignez:  mais  de  tendre  a  ceste  simplicite  pour  dire,  Ie  me  contente  que  mon  enfent  serve  a  Dieu,  estant  asseure  que  Dieu  le  benira,  qu'il  le  fera  prosperer,  et  encores  qu'il  soit  povre  selon  le  monde,  ie  me  contente  que  Dieu  soit  son  pere:  combien  y  en  a-il  qui  ayent  une  telle  consideration?  Et  Dieu  aussi  rend  le  payement  aux  peres  tel  qu'ils  ont  merite  :  car  ii  leur  semble  qu'ils  ont  beaucoup  fait  quand  ils  auront  avance  leurs  enfans:  et  Dieu  permet  que  leurs  enfans  leur  crevent  les  yeux,  que  ce  soyent  des  bourreaux  qui  les  tormentent.  Nous  voyons  cela  a  l'oeil  :  mais  ils  ne  cognoissent  point  que  c'est  Dieu  qui  les  chastie,  et  a  bon  droit.  Et  ainsi  d'autant  plus  nous  faut  il  bien  noter  la  doctrine  que  nous  monstre  ici  le  sainct  Esprit  sous  l'exemple  de  Iob,  c'est  a  savoir  que  les  peres  tienent  leurs  enfans  en  telle  bride,  qu'ils  les  sollicitent  a  servir  a  Dieu.  Et  mesmes  ceste  circonstance  n'est  point  a  oublier,  c'est  a  scavoir,  que  combien  que  les  enfans  de  Iob  fussent  desia  en  aage  d'homme,  neantmoins  le  pere  les  tient  tousiours  comme  en  humilite,  et  les  exhorte  de  demander  pardon  a  Dieu,  quand  ils  l'ont  offense,  et  de  se  purifier.  Or  auiourd'hui  si  tost  que  les  enfans  auront  dix  ans,  ils  Guideront  estre  hommes:  ii  leur  faudroit  donner  des  verges  quinze  ans  apres  que  ils  portent  les  enseignes  d'homme,  et  qu'il  semble  que  ce  soit  merveilles:  car  ce  ne  sont  que