32:43  43  PSALMUS  XCVII.  44  tia  et  iudicium  locus  solii  eius.  3.  Ignis  coram  facie  eius  ambulabit,  et  exuret  in  circuitu  inimicos  suos.  4.  ITluxerunt  fulgura  eius  orbi,  videbit  ac  tremiscet  terra.  5.  Montes  tanquam  cera  fluxerunt  a  facie  Iehovae,  a  facie  Domini  totius  terrae.  1.  (Iehova  regnat)  Homines  ad  laetitiam  invitans,  satis  declarat  nunquam  Deum  regnare  quin  simul  affulgeat  salus  et  plena  felicitas.  Gaudium  vero  commune  toti  mundo  faciens,  adeoque  transmarinis  regionibus,  significat  regnum  Dei  quod  tunc  angustis  Iudaeae  finibus  erat  inclusum,  longe  fore  amplius,  quia  ad  gentes  usque  propagabitur.  Proximis  quatuor  versibus  coelestem  Dei  gloriam  suis  insignibus  exornans  propheta,  ad  eius  reverentiam  subigere  voluit  cunctos  mortales.  Nam  proponitur  in  hunc  finem  formidabilis  eius  maiestas,  ut  fastum  et  pravam  carnis  confidentiam  sub  se  posternat  ac  conterat.  Scimus  in  conspectu  nubili  coeli  plus  esse  terroris  quam  serena  luce:  quia  obscuritas  sensus  nostros  contrahit.  Itaque  prophetam  non  dubito  incutere  hoc  symbolo  terrorem,  quo  magis  reverenter  Deum  mundus  exciperet.  Alii  subtilius  exponunt,  nubem  esse  in  circuitu  Dei,  quae  temeritatem  et  audaciam  humani  ingenii  compescat,  ne  in  excutiendis  eius  mysteriis  plus  aequo  sibi  permittant  qui  nimium  curiosi  sunt.  Etsi  autem  continet  sensus  ille  utilem  doctrinam,  quia  tamen  argutiis  non  oblector,  retineo  illud  consilium  Prophetae,  quod  fuliginoso  Dei  conspectu  percellere  velit  corda  hominum,  ut  tremiscant.  Quod  etiam  confirmat  reliquus  contextus,  ubi  dicit  ignem  coram  eo  ambulare  qui  hostes  exurat,  fulgora  eius  concutere  terram,  adeoque  montes  liquefacere.  Si  quis  excipiat  non  convenire  hanc  formidinem  cum  gaudio  cuius  nuper  meminit,  respondeo  primum,  quamvis  Deus  solium  suum  erigendo,  quantum  in  se  est,  beare  omnes  paratus  sit,  non  omnes  tamen  beneficii  capaces  esse.  Deinde  tenendum  est,  quod  prius  attigi,  utilem  hanc  admonitionem  esse  fidelibus,  ut  proiecta  carnis  altitudine  Deum  suppliciter  adorent.  Solium  vero  eius  in  Iustitia  a  iudicio  locans,  regnum  Dei  a  fructu  quem  inde  percipimus  commendat:  quia  quum  nihil  miserius  sit,  quam  sine  iustitia  et  iudicio  vivere,  laudem  hanc  specialiter  Deo  vendicat  propheta,  quod  regnando  aequitatem  solus  in  mundo  restituat:  ut  certe  exsulat  a  nobis  omnibus,  donec  spiritu  mansuetudinis  Deus  ad  subeundum  verbi  sui  iugum  nos  flectit  ac  domat.  Sed  quia  magna  pars  hominum  pervicaciter  imperium  Dei  reiicit  et  excutit,  cogitur  propheta  pingere  severam  Dei  faciem:  ut  doceat  non  impune  cessuram  impiis  praefractam  suam  malitiam.  Quia  autem,  nisi  Deum  sibi  appropinquantem  reverenter  et  placide  excipiant  homines,  duplicatur  eorum  impietas:  iure  haec  vindictae  denuntiatio  aptatur  ad  regnum  Christi.  Qui