31:43  43  PSALMUS  II.  44  enim  de  Christo  vaticinatus  fuerit  David,  hinc  certo  liquet,  quod  sciebat  regnum  suum  nonnisi  umbratile  esse.  Atque  ut  ad  Christum  referre  discamus  quaecunque  de  se  olim  cecinit  David,  tenendum  est  principium  istud  quod  passim  in  omnibus  prophetis  occurrit,  illum  cum  posteris  non  tam  sua  causa  creatum  fuisse  regem  quam  ut  redemptoris  imago  foret.  Tametsi  autem  hoc  saepius  repetendum  erit,  in  praesentia  tamen  breviter  monendi  sunt  lectores  (quia  temporale  illud  regnum  velut  arrha  quaedam  veteri  populo  fuit  aeterni  regni,  quod  d'omum  in  Christi  persona  vere  stabilitum  fuit)  quae  de  se  pronuntiat  David  non  violenter  vel  allegorice  ad  Christum  torqueri,  sed  vere  de  eo  praedicta  esse.  Nam  si  regni  naturam  expendimus,  absurdum  foret,  omisso  fine  vel  scopo,  subsistere  in  prima*umbra.  Hic  quidem  prophetico  spiritu  describi  Christi  regnum,  apostoli  nobis  idonei  sunt  testes,  qui  videntes  impios  contra  Christum  conspirare  hac  doctrina  se  ad  precandum  armant,  Actorum  4,  24.  Sed  ne  quibus  cavillis  obnoxia  sit  fides  nostra,  ex  omnibus  prophetis  palam  constat,  proprie  in  Christum  competere  quae  testatus  est  David  de  suo  regno.  Sit  igitur  hoc  fixum,  quicunque  Christi  imperio  se  non  subiiciunt,  eos  cum  Deo  bellare.  Nam  quum  Deo  placeat  nos  per  filii  sui  manum  regere,  frustra  profitentur  se  eius  imperium  non  abnuere  qui  parere  ipsi  Christo  recusant.  Vera  enim  est  sententia,  Quisquis  non  honorat  filium,  neque  patrem  honorat  qui  misit  illum,  Iohan.  5,  23.  Ac  nostra  magnopere  interest,  individuam  hanc  coniunctionem  tenere,  quod  sicuti  Dei  maiestas  in  filio  unigenito  refulsit,  nonnisi  in  eius  persona  timeri  et  coli  velit  pater.  Iam  ex  hoc  loco  duplex  consolatio  elici  potest,  nam  quoties  mundum  tumultuari  continget,  ut  Christi  regnum  turbet  vel  moretur,  si  nobis  occurrat  in  memoriam,  impleri  quod  iam  olim  praedictum  est,  nulla  novitas  nos  percellet.  Quin  etiam  quae  experti  sunt  apostoli  cum  praesentibus  exemplis  conferre  valde  proderit.  Per  se  quidem  tranquillum  esset  Christi  regnum,  unde  etiam  vera  pax  mundo  exoritur  :  sed  fit  hominum  vitio  et  malitia  ut  nunquam  sine  turbis  emergat.  Quare  nihil  mirum  est  vel  insolitum  si  tumultuetur  mundus,  simul  ac  erigitur  Christo  solium.  Sequitur  altera  consolatio,  quod  ubi  suas  vires  in  unum  contulerint  impii,  etiamsi  immensa  sua  multitudine  opibus  et  praesidiis  confisi,  non  modo  superbas  blasphemias  despument,  sed  coelum  ipsum  furiose  impetant:  illis  tamen  insultare  tuto  possumus,  hoc  uno  verbo  freti,  quod  Deum  in  coelis  lacessunt.  Quare  dum  videmus  hostium  copia  et  viribus  Christum  prope  obrui,  nobis  in  mentem  veniat  bellum  ipsos  Deo  inferre,  cui  non  praevalebunt,  ideoque  irritum  et  inane  fore  quidquid  moliri  non  cessant.  Discamus  praeterea  hanc  doctrinam  ad  totum  evangelii  cursum  extendere.  Nam  ad