29:43  43  SERMON  CLXXXVI.  44  impunis:  qu'il  les  trouvera  bien  pour  leur  rendre  au  double.  Or  ici  Moyse  ne  traitte  pas  des  Payens:  mais  plustost  il  continue  son  propos  qu'il  avoit  commence,  c'est  assavoir  que  Dieu  chastiera  les  Iuifs,  lesquels  devoyent  estre  ses  enfans,  et  neantmoins  n'avoyent  cesse  de  luy  faire  la  guerre,  tellement  qu'il  les  tient  et  repute  pour  ses  ennemis:  comme  nous  voyons  aussi  qu'il  en  parle  au  premier  chap.  d'Isaie:  Helas  (dit-il)  faut  ii  que  ie  me  venge  de  mes  ennemis?  Or  maintenant  puis  que  nous  voyons  de  qui  Moyse  parle,  regardons  de  plus  pres  pourquoy  c'est  que  notamment  il  dit,  que  la  vigne  des  Iuifs  est  de  la  vigne  de  Sodome,  et  du  terroir  de  Gomorrhe.  Nous  savons  que  Dieu  accompare  son  Eglise  a  une  vigne.  Et  ce  n'est  pas  seulement  en  ce  lieu  ici,  mais  le  passage  du  5.  chapitre  d'Isaie  est  notable  sur  tout,  quand  il  dit:  Ie  chanteray  le  Cantique  a  mon  ami.  La  le  Prophete  prend  la  cause  de  Dieu,  comme  un  ami  prend  la  querelle  de  celuy  pour  lequel  il  veut  faire.  Ie  m'en  vay  donc  chanter  un  cantique  (dit-il).  Ie  t'ay  plantee  apres  t'avoir  arrachee  du  terroir  d'Egypte,  ie  t'ay  mise  en  terre  grasse,  ie  t'ay  cultivee,  i'y  ay  fait  un  pressoir,  ie  n'ay  rien  oublie:  et  maintenant  que  i'ay  attendu  de  recevoir  bon  fruict  de  toy,  tu  ne  m'as  produit  qu'amertume.  Et  nostre  Seigneur  Iesus  mesmes  a  regarde  a  ce  cantique  d'Isaie,  quand  il  accuse  les  Iuifs  d'avoir  este  ainsi  ingrats  a  Dieu,  qu'apres  qu'il  a  travaille  pour  leur  salut  en  toute  sorte,  qu'ils  se  sont  eslevez  contre  luy,  iusques  a  vouloir  meurtrir  les  Prophetes  qu'il  leur  avoit  envoyez  pour  recevoir  son  revenu:  et  mesmes  en  la  fin  quils  ont  este  brigands  du  Fils  unique  et  de  l'heritier.  Or  maintenant  venons  a  ce  que  dit  Moyse:  Us  sont  du  plant  de  Sodome  (dit-il)  et  du  terroir  de  Gomorrhe.  Il  nous  faut  noter  ces  deux  choses  oppositos.  L'une,  que  Dieu  avoit  choisi  ce  peuple  pour  son  heritage,  qu'il  l'avoit  tenu  cher  comme  une  vigne,  et  l'avoit  cultivee  en  toutes  facons.  Il  falloit  bien  donc  que  ce  peuple  ici  rendist  quelque  bon  fruict  a  Dieu,  et  c'a  este  le  fruict  de  Sodome,  c'est  a  dire,  toutes  iniquitez  qui  ont  provoque  l'ire  de  Dieu  et  sa  vengeance  contre  eux.  Et  non  sans  cause  Moyse  parle  ainsi  :  car  il  voit  en  esprit  que  ce  peuple  seroit  abandonne  a  tout  mal.  Et  nous  savons  aussi  comme  les  Prophetes  les  redarguent  :  car  iis  ne  les  accusent  point  de  quelques  fautes  moyennes,  ils  leur  disent  qu'ils  ont  surmonte  Sodome  et  Gomorrhe:  et  quand  ce  viendra  a  rendre  conte,  que  Sodome  et  Gomorrhe  seront  bien  iugees,  mais  au  prix  d'Israel  et  de  Iuda,  qu'elles  seront  reputees  innocentes.  Car  il  nous  faut  tousiours  regarder  que  Dieu  avoit  recueilli  ce  peuple  a  soy,  et  selon  les  graces  qu'il  luy  avoit  eslargies,  qu'il  y  avoit  tant  plus  d'ingratitude:  et  ainsi  que  leur  coulpe  estoit  tant  plus  griefve,  et  y  avoit  tant  moins  d'ex-