28:43  43  SERMON  CXXVIII.  44  n'ouvrir  point  la  bouche,  pour  cercher  a  mettre  quelque  mauvaise  note  sur  la  renonmee  de  personne.  Et  pourquoy?  Car  encores  que  les  hommes  nous  espargnent,  Dieu  a  declare  que  cela  luy  est  desplaisant.  Il  a  bien  ordonne  que  le  chastiment  s'en  face:  mais  prenons  le  cas  que  les  hommes  donnent,  ou  qu'ils  dissimulent,  si  est-ce  que  Dieu  tousiours  monstrera  qu'il  ne  veut  point  souffrir  que  personne  soit  greve  a  tort.  Voila  donc  ce  que  nous  avons  a  retenir:  c'est  que  nous  vivions  simplement  les  uns  avec  les  autres,  gardans  bien  que  nul  ne  soit  faussement  charge,  ou  denigre.  Que  s'il  y  a  da  mal,  que  nous  advisions  de  travailler  la  entant  qu'en  nous  sera,  pour  faire  qu'il  soit  purge.  Mais  par  haine,  par  malvueillance,  que  nous  soyons  ainsi  pleins  de  malice,  pour  detracter,  que  nous  ayons  une  langue  venimeuse,  et  que  les  diffames  courent  et  trottent  entre  nous,  voila  un  outrage  que  Dieu  ne  peut  souffrir.  Mais  au  reste  notons,  que  comme  Dieu  veut  que  les  innocens  soyent  maintenus  ea  leur  bonne  reputation:  a  l'opposite,  si  quelcun  se  plaint,  et  qu'il  se  trouve  coulpable,  et  qu'il  soit  conveincu  du  crime  dont  il  se  disoit  estre  innocent,  celuy-ia  merite  d'estre  puni  au  double,  comme  nous  en  avons  iei  l'exemple.  Si  une  fille  vient  former  un  plaintif  contre  son  mari,  et  que  le  pere  et  la  mere  se  facent  parties:  et  bien  ils  seront  ouis,  c'est  raison:  mais  en  cas  que  la  fille  se  trouve  meschante,  et  qu'elle  ait  mal  vescu,  encores  que  ce  fust  devant  le  mariage,  devant  qu'elle  fust  obligee  a  son  mari,  ni  qu'elle  luy  eust  donne  nulle  promesse  :  tant  y  a  que  Dieu  veut  qu'elle  soit  lapidee.  Et  pourquoy?  Car  c'est  une  espece  de  larrecin,  quand  quelcun  se  sentant  coulpable  en  soy,  est  si  effronte  qu'il  voudroit  encores  usurper  l'honneur  qui  ne  luy  appartient  pas.  Si  on  a  failli,  il  faut  baisser  les  yeux:  si  on  nous  accuse,  nous  devons  gemir,  nous  devons  demander  a  Dieu  qu'il  ensevelisse  nos  fautes.  Et  au  contraire,  si  nous  avons  une  audace,  pour  dire  qu'il  n'y  a  rien,  et  que  nous  torchions  nostre  bouche:  et  ou  sera-ce  aller?  Et  toutesfois  il  n'y  a  auiourd'huy  rien  plus  commun  entre  les  hommes.  Car  ceux  qui  sont  les  plus  meschans,  quand  on  les  taxe,  voire  et  que  l'on  ne  fait  encores  que  toucher  de  loin  leurs  vices,  ce  sont  ceux  qui  crient  le  plus  haut,  et  qui  voudroyent  foudroyer,  sinon  que  leur  honneur  leur  soit  maintenu.  Qui  sont  auiourd'huy  les  gens  de  bien  qui  s'appellent  ainsi?  des  canailles  qui  ne  vallent  rien,  et  ou  il  n'y  a  que  toute  infection.  Un  homme  de  bien  auiourd'huy  aura  quasi  honte  de  s'appeller  tel,  veu  que  ce  tiltre,  qui  doit  estre  sacre,  est  pollu.  Car  chacun  lo  prophane,  d'autant  que  chacun  l'usurpe:  et  les  meschans  (comme  i'ay  dit)  et  les  plus  desbordez  auront  plus  grande  audace.  Car  non  seulement