27:43  43  SERMON  LXXII.  44  loin  pour  dire:  Et  qui  sont  les  autres?  Ne  se  prisent-ils  pas  autant  ou  plus  que  nous?  Et  mesmes  s'il  j  avoit  un  iuge  tiers,  ne  les  priseroit-il  point  d'avantage?  Oar  aussi  il  y  a  beaucoup  plus  d'apparence,  et  de  grandeur,  et  de  richesses,  et  de  dignite,  et  d'honneur,  il  y  a  plus  d'advis,  et  de  prudence:  pourquoy  donc  est-ce  que  Dieu  nous  a  choisis,  et  que  cependant  il  laisse  les  autres?  Y  a-il  rien  en  quoy  nous  puissions  nous  enorgueillir?  Helas  non:  si  nous  ne  sommes  par  trop  enyvrez  en  nos  vaines  phantasies.  Mais  encores  quand  nous  ne  pourrons  pas  estre  amenez  a  ceste  raison,  apres  nous  estre  accomparez  a  tout  le  reste  du  monde,  montons  un  peu  plus  haut,  venons  aux  Anges  du  ciel  :  Dieu  ne  se  pourra-il  pas  contenter  de  ses  Anges,  sans  venir  iusques  a  nous?  Nous  ne  sommes  que  povres  vermines,  il  n'y  a  que  pourriture  en  nous,  et  Dieu  nous  veut  cercher:  il  veut  que  nous  soyons  ses  enfans,  voire  non  seulement  pour  iouyr  ici  bas  de  ses  graces,  et  de  ses  benifices,  mais  pour  nous  eslever  iusques  en  son  royaume  celeste.  Et  a  quelles  enseignes  ?  Ainsi  si  nous  poisons  bien  les  mots  de  Moyse,  veu  que  nous  ne  pouvons  pas  estre  abbattus  du  premier  coup  pour  nous  venir  humilier,  que  nous  pensions  a  ce  qui  nous  est  ici  declaire:  c'est  que  les  cieux  des  cieux  sont  a  Dieu.  Oar  Moyse  amplifie  ici  les  cieux:  il  ne  se  contente  point  de  dire  Les  cieux.  C'estoit  bien  assez:  car  si  la  terre,  quelque  spacieuse  qu'elle  soit,  n'est  rien  au  prix  de  la  grandeur  infinie  des  cieux,  ce  mot  seul  Des  cieux  devroit  bien  suffire.  Mais  encores  Moyse  a  voulu  plus  exprimer,  en  disant:  Les  cieux,  voire,  les  cieux  des  cieux.  Il  reitere  trois  fois  ce  mot:  comme  s'il  disoit:  Dieu  trouvera  un  royaume  assez  large,  et  assez  grand,  et  de  telle  estendue  qu'il  ne  faut  point  qu'il  vienne  emprunter  quelque  anglet  en  ce  monde,  pour  se  loger:  il  ne  faut  point  qu'il  vienne  cercher  en  ces  cavernes  pleines  d'obscurite  dequoy  manifester  sa  gloire  :  les  hommes  ne  sont  que  vermines,  ils  sont  comme  des  grenouilles  en  la  fange,  et  au  bourbier,  et  Dieu  descendra-il  ici  bas,  pour  dire  que  sa  gloire  y  reluise?  N'a-il  point  sa  vertu  celeste,  pour  monstrer  la  haut  qu'il  a  l'empire  souverain  sur  toutes  creatures?  Faut-il  qu'il  emprunte  de  nous  quelque  chose  pour  le  faire?  Ainsi  nous  voyons  qu'il  faut  que  les  hommes  soyent  non  seulement  enyvrez,  et  abrutis  d'orgueil,  mais  endiablez  du  tout,  si  ceste  remonstrance  de  Moyse  ne  les  rend  abbattus,  cognoissant  que  c'est  raison  que  Dieu  soit  glorifie  en  tout,  et  par  tout:  et  qu'ils  ne  se  reservent  rien  qui  leur  soit  propre,  non  point  un  petit  grain  de  louange  de  leur  salut.  Or  cependant  Moyse  adiouste  ainsi:  Que  Dieu  mesmes  a  porte  affection  volontaire  a  ce  peuple,  et  Va  aime  pour  elire  sa  semence.  Il  dit:  Vostre  Dieu  a  seigneurie  aux  cieux,  et  en  la  terre  :