22:43  43  INSTRUCTION  ET  CONFESSION  DE  FOY.  44  telle  maniere  quil  ne  puisse  estre  viole  quen  luy  aussi  limage  de  Dieu  ne  soit  violee.  Tu  ne  paillarderas  point.  Icy  le  Seigneur  nous  deffend  toute  espece  de  luxure  et  impudicite.  Car  le  Seigneur  a  conioinct  lhomme  a  ia  femme  par  la  seule  loy  de  mariage,  et  comme  ceste  societe  est  conioincte  par  son  auctorite  aussi  il  la  sanctiffiee  de  sa  benediction:  dont  il  appert  que  toute  aultre  conionction  que  de  mariage  est  mauldicte  devant  luy.  Par  quoy  ceulx  qui  nont  le  don  de  continence  (lequel  certes  est  singulier  et  ne  gist  pas  en  la  puissance  dun  chascun),  quilz  subviennent  a  lintemperance  de  leur  chair  par  le  remede  honeste  de  mariage,  car  le  mariage  est  entre  tous  honorable,  mais  Dieu  condempnera  les  scortateurs  et  adulteres  (Hebr.  13).  Tu  ne  desroberas  point.  Icy  generalement  est  deffendu  et  prohibe  que  nous  ne  surprenions  les  biens  lun  de  laultre.  Car  le  Seigneur  veult  que  toutes  rapines  soient  bien  loing  de  son  peuple,  par  lesquelles  les  imbecilles  sont  grevez  et  oppressez,  et  toutes  tromperies  par  lesquelles  linnocence  des  simples  est  deceue.  Par  quoy  si  nous  voulons  conserver  noz  mains  pures  et  innocentes  de  larcin,  il  ne  nous  fault  pas  moings  abstenir  de  toutes  finesses  et  cautelles  que  de  ravissemens  violans.  Tu  ne  diras  pomt  fauix  tesmoignage  contre  ton  prochain.  Icy  le  Seigneur  condamne  toutes  mauldissons  et  iniures,27)  par  lesquelles  la  renommee  de  nostre  frere  est  blasmee,  tous  mensonges  par  lesquelz  en  quelque  sorte  que  ce  soit  le  prochain  est  blesse.  Car  si  bonne  renommee  est  plus  precieuse  que  quelconque  tresor,  nous  ne  sommes  pas  a  moindre  dommaige  despouillez  de  lintegrite  de  nostre  renommee  que  de  noz  biens.  Et  souvant  on  ne  proffite  pas  moins  a  ravir  les  biens  du  frere  par  faulx  tesmoignages  que  par  la  rapacite  des  mains.  Par  quoy  comme  par  le  precedant  commandement  les  mains  sont  liees,  ainsi  est  la  langue  par  cestuy  cy.  Tu  ne  convoicteras  point  la  may  son28)  de  ton  prochain  et  ne  desireras  point  sa  femme  ne  son  servi-  27)  conviciosam  procacitatem.  28)  Le  texte  latin  suit  Vautre  forme  du  decalogue  ou  la  femme  est  placee  d'abord.