21:43  43  VIE  DE  CALVIN  suivissent  un  mesme  train  de  bien  en  mieux.  Et  sur  cela  les  ayant  priez  en  general  et  en  particulier  luy  pardonner  tous  ses  defauts,  lesquels  nul  n'a  iamais  trouvez  si  grans  que  luy,  il  leur  tendit  la  main.  Ie  ne  scay  s'il  eust  pu  advenir  un  plus  triste  spectacle  a  ses*  Seigneurs  qui  le  tenoyent  tous,  et  a  bon  droict,  quant  a  sa  charge  comme  la  bouche  du  Seigneur:  et  quant  a  l'affection  comme  leur  propre  pere,  comme  aussi  il  en  avoit  cognu  ��t  dresse  une  partie  des  leur  ieunesse.  Le  Vendredi  20  *)  d'Apvril  tous  les  freres  Ministres,  et  de  la  ville  et  des  champs,  ayans  este  advertis  a  sa  requeste,  s'assembleront  en  sa  chambre,  ausquels  il  fit  une  longue  remonstrance:  de  laquelle  la  substance  estoit  qu'ils  eussent  a  perseverer  de  bien  faire  leur  devoir  apres  sa  mort  et  qu'ils  ne  perdissent  point  courage:  que  Dieu  maintiendroit  et  la  ville  et  l'Eglise,  combien  qu'elles  fussent  menacees  de  plusieurs  endroits,  [page  54]  Aussi  qu'ils  n'eussent  point  de  piques  entre  eux,  mais  que  charite  y  regnast  et  qu'ils  fussent  bien  unis  ensemble.  Qu'ils  recognussent  combien  ils  sont  obligez  a  ceste  Eglise  en  laquelle  Dieu  les  a  appellez:  qu'il  n'y  eust  rien  qui  les  en  detournast:  que  ceux  qui  en  seroyent  desgoustez  et  la  voudroyent  laisser,  pourroyent  bien  par  dessous  terre  trouver  des  excuses,  mais  que  Dieu  ne  se  laisseroit  point  moquer.  A  ce  propos  il  adiousta  un  recit  de  son  entree  en  ceste  Eglise  et  de  sa  conversation  en  icelle:  disant  que  quand  il  y  vint  l'Evangile  s'y  preschoit,  mais  que  les  choses  y  estoient  fort  desbordees  et  que  l'Evangile  estoit  a  la  pluspart  d'avoir  abbatu  les  idoles,  qu'il  y  avoit  beaucoup  de  meschantes  gens,  et  luy  avoit  falu  recevoir  beaucoup  d'indignitez,  mais  que  Dieu  l'avoit  fortifie  pour  tousiours  tenir  bon,  combien  que  de  sa  nature  il  fust  craintif.  Et  repeta  par  deux  ou  trois  fois  ces  mots:  Ie  vous  asseure  que  de  ma  nature  ie  suis  timide  et  craintif.  Aussi  il  rememora  que  quand  il  revint  de  Strasbourg  ici  il  suyvit  ceste  vocation  comme  estant  contraint,  et  ne  voyant  pas  qu'il  en  deust  venir  grand  fruict,  aussi  ne  scachant  ce  que  Dieu  vouloit  faire.  Et  de  faict  qu'il  y  avoit  eu  beaucoup  [page  55]  de  difficultez:  mais  qu'avec  le  temps  en  continuant  il  avoit  veu  la  benediction  de  Dieu  sur  son  labeur.  Que  donc  chacun  se  fortifiast  en  sa  vocation  et  a  tenir  bon  ordre,  qu'on  prinst  garde  au  peuple  pour  le  tenir  tousiours  en  l'obeissance  de  la  doctrine:  qu'il  y  avoit  de  gens  de  bien,  mais  que  ce  n'estoit  pas  qu'il  n'y  en  eust  aussi  de  malins  et  rebelles.  Que  ce  seroit  pour  nous  rendre  bien  coulpables  devant  Dieu  si  les  choses  estans  avancees  iusques  ici  venoyent  apres  en  desordre  par  nostre  negligence.  Au  reste  l)sic!