16:43  43  EPISTOLAE  2395.2397  44  Gratius  nihil  pridem  tuis  literis  l)  mihi  accidit  vel  ad  leniendos  meos  dolores  aptius.  Quantum  enim  mihi  vulnus  et  quam  acerbum  inflixerit  renovandi  foederis  desperatio  dicere  nihil  attinet.  Simulant  quidem  istic  multi  conflandae  mihi  invidiae  2)  causa,  se  longe  aliter  esse  persuasos:  sed  quisquis  inquirere  sustinebit  quam  serio  in  hanc  partem  incubuerint  omnes  mei  conatus  ut  integra  maneret  urbium  coniunctio,  quantumvis  iniquus  sit,  me  nihil  magis  anxie  timuisse  agnoscet  quam  ne  pertinacia  nostra  in  has  angustias  nos  coniiceret.  Initio,  quum  de  conditionibus  actum  est,3)  a  senatu  in  consilium  adhibitus  fui.  Quaeres  cur  me  negotiis  istis  involvam  quae  nec  meae  personae  conveniunt  et  grave  mihi  pariunt  odium  apud  multos?  Ego,  ut  haec  politica  parce  attingo  et  invitus  ad  ea  pertrahor,  ita  ad  ea  interdum  adduci  me  patior,  ubi  ita  flagitat  necessitas.  Certe  hactenus  eam  moderationem  tenui,  cuius  me  non  poenitet.  Scis4)  quid  garriant  improbi.  Sed  ego  a  gubernatione,  quam  illi  me  cupide  rapere  clamitant,  ita  abstineo  ut  sim  peregrinus  in  hac  urbe:  nam  quoslibet  e  plebe  de  rebus  mihi  incognitis  quotidie  disserentes  audio.  Senatus  vero  nunquam  me,  nisi  ubi  consilii  inopia  in  rebus  magnis  laborat,  vocare  solet,  vel  quia  non  decere  intelligit,  vel  quia  non  libenter  aliena  subsidia  implorat,  vel  quia  me  refugere  videt.  Utinam  mihi  liberum  fuisset  exemptionem  petere.  Sed  ex  quo  ab  annis  quindecim  huc  reversus  sum,  quum  mihi  Deus  manum  porrigeret,  homines  vero  importune  me  accerserent,  nec  ullus  esset  honestus  recusandi  color,  ad  turbas  pacificandas  operam  impendere  malui  quam  otiosus  esse  earum  spectator.  Ut  superiora  omittam,  nisi  quis  placasset  primos  impetus,  quale  fuisset  huius  novae  tractationis  exordium?  Non  tam  stupidi  sunt  nostri  quin  se  in  multis  capitibus  gravari  sentirent.  Ita  ad  novas  tabulas  inclinabant  omnium  animi.  Quod  veterem  formulam  placide  amplexi  sunt,  non  absque  longis  et  arduis  certaminibus  extorsit  qui  sententiam  rogatus  nolebat  suo  silentio  urbem  hanc  pessumdare.  Ego  sane,  qui  interfui,  effectum  esse  miror  quod  vides.  Nam  ut  quisque  audacissime  loquitur,  quamvis  in  nostram  perniciem  desipiat,  quia  tamen  animosius  reliquis  videtur  ius  publicum  tueri,  facile  movet  imperitos  atque  etiam  inflammat.  Quare  necesse  fuit  multa  incendia  restingui  ut  tam  sedata  et  composita  responsio  ad  vos  veniret.  Fateor  5)  etiam  in  amicis  literis  scintillas  quasdam  eiectas  esse.  Sed  dandum  aliquid  iusto  dolori  fuit  donec  paulatim  mansuesceret  animi.  Nihil  vero  totam  actionem  2395.  1)  N.  2388.  2)  confluendae  mihi  individiae  H.  3)  Reg  du  Conseil  Dec.  1.  24.  30.  31.  lan.  17.  18.  4)  Scio  H.  5)  Hi  duo  versus  manu  Calvini  scripti  sunt.