10.1:43  ORDONNANCES.  pour  donner  liberte  a  ladicte  femme  de  se  pouvoir  remarier.  Que  si  l'abuseur  retournoit  apres,  qu'il  soit  puny  selon  qu'on  verra  estre  raisonnable.  Si  une  femme  se  depart  d'avec  son  mary  et  s'en  aille  en  ung  aultre  lieu,  et  que  le  mary  vienne  demander  d'estre  separe  d'elle  et  mis  en  liberte  de  se  remarier,  qu'on  regarde  si  elle  est  en  lieu  dont  on  la  puisse  evocquer  ou  pour  le  moins  luy  notifier  qu'elle  ayt  a  comparoistre  pour  respondre  a  la  demande  de  son  mary,  et  qu'on  ayde  le  mary  de  lettres  et  aultres  adresses  pour  ce  faire.  Ce  faict,  qu'on  use  de  telles  proclamations  comme  dict  a  este  cydessus,  ayant  premierement  evocque  les  plus  prochains  parens  ou  amy  s  d'icelle  pour  les  admonester  de  la  faire  venir  s'ilz  peuvent.  Si  elle  comparoist  dedans  le  terme  et  que  le  mary  refusast  de  la  prendre1)  pour  la  suspition  qu'il  auroit  qu'elle  se  fust  mal  gouvernee  de  son  corps  et  que  c'est  une  chose  trop  scandaleuse  a  une  femme  d'ainsi  abandonner  son  mary,  qu'on  tasche  de  les  reduire  en  bonne  unyon,  exhortant  le  mary  a  luy  pardonner  sa  faulte.  Toutesfois  s'il  perseveroit  a  faire  instance  de  cela,  qu'on  s'enquiere  du  lieu  ou  elle  a  este,  quelles  gens  elle  a  hante  et  comment  elle  s'est  gouvernee,  et  si  on  ne  trouve  point  d'indices  ou  argument  certain  pour  la  convaincre  d'avoir  faulse  la  loyaulte  de  mariage,  que  le  mary  soit  contrainct  de  se  reconcilier  avec  elle.  Que  si  on  la  trouve  chargee  de  presumption  fort  vehemente  d'avoir  paillarde,  comme  de  s'estre  retiree  en  mauvaise  compaignie  et  suspecte,  et  n'avoir  point  mene  honeste  conversation  et  de  femme  de  bien,  que  le  mary  soit  ouy  en  sa  demande  et  qu'on  luy  octroye  ce  que  raison  portera.  Si  elle  ne  comparoist  point  le  terme  escheu,  on  tienne  la  mesme  procedure  contre  elle  comme  on  feroit  contre  le  mary  en  cas  pareil.  S'il  y  avoit2)  parens  ou  amys  en  la  ville  qui  eussent  ayde  1)  de  la  prendre,  manque  ibid.  2)  La  fin  de  l'article  manque  dans  ces  textes.  Mais  par