8:429  429  IV.  DE  SERVIR  DIEU  LIBREMENT  430  qu'on  les  impute  a  crime.  Mais  encores  regardons  si  la  necessite  n'excuse  pas.  Voyci  Dieu  qui  dit:  Cerchez  ma  face.  Les  Princes  terriens  se  rebecquent  a  l'encontre,  et  veulent  qu'on  luy  tourne  le  dos,  ou  bien  ils  privent  les  povres  ames  de  leur  pasture  ordinaire,  et,  au  lieu  de  la  face  de  Dieu,  mettent  devant  les  yeulx  des  masques  de  superstitions.  Fault-il  qu'ils  soyent  preferez  au  Dieu  vivant?  Si  on  escoute  Dieu,  il  fault  plustost  aller  mille  lieues  loing,  pour  veoir  sa  face  ou  il  la  monstre,  que  de  croupir  en  son  nid.  Ainsi  toutes  fois  et  quantes  que  les  Princes  attentent  rien  au  preiudice  de  celuy  qui  ha  toute  authorite  souveraine  par  dessus  eulx,  on  ne  leur  faict  nul  tort  en  luy  obeissant.  Combien  qu'oultre  ce  que  i'ay  dict,  telles  gens  monstrent  assez  qu'ils  n'ont  gueres  pense  a  leur  condition.  Quelle  est  la  captivite  en  laquelle  ils  sont  tenus?  Si  leur  conscience  n'estoit  par  trop  endormie,  il  seroit  impossible  qu'ils  ne  fussent  en  continuelle  destresse,  comme  si  on  les  tormentoit  en  la  gehenne.  Comment  leur  est-il  permis  de  faire  que  Dieu  soit  honore  en  leurs  mesnages?  Il  ne  fault  pas  aller  plus  loing.  Si  un  d'eulx  ha  quelque  enfant  qui  luy  naisse,  son  debvoir  est  de  PofFrir  a  Dieu,  avec  prieres  et  actions  de  graces,  demandant  [f.  59]  que  la  marque  de  salut  luy  soit  imprimee  en  son  corps  par  le  Baptesme.  Or,  nous  scavons  que  le  Baptesme  est  si  corrompu  en  la  Papaulte,  et  si  barbouille  de  superstitions  et  ordures,  qu'un  enfant  ne  le  peut  recevoir  sans  estre  pollue  quant  et  quant.  Ainsi,  un  pere  ne  scauroit  faire  baptizer  son  enfant  sans  pecher.  S'il  s'en  deporte,  autant  en  sera-ce,  et  n'y  eust-il  que  le  scandale  qu'il  donne  en  reiectant  le  Sacrement  que  le  Fils  de  Dieu  a  institue.  Quelle  perplexite  est-ce  la,  qu'on  ne  puisse  faire  ne  laisser  un  acte,  sans  que  Dieu  y  soit  offense!  Ie  laisse  le  reste,  pource  que  ce  seul  exemple  n'est  desia  que  trop.  Or  un  homme  aurail  langui  toute  sa  vie  ainsi  miserablement,  ne  scachant  de  quel  coste  se  tourner,  les  grans  assauls  seront  a  la  mort,  et  la  le  diable  aura  tout  son  equipage.  Si  le  povre  captif  a  este  par  le  temps  passe  empesche  de  servir  a  Dieu,  pour  le  regard  de  sa  femme  et  de  sa  famille,  c'est  adonc  pis  que  iamais.  Ceulx  qui  doubtent  s'il  leur  est  licite  de  sortir  d'un  tel  bourbier,  ou  plustost  d'un  tel  gouffre  d'enfer,  sous  ombre  de  la  subiection  qu'ils  ont  aux  Princes  terriens,  pervertissent  bien  tout  ordre  de  nature.  Il  est  bien  certain  que  la  priere  que  Dieu  veult  que  nous  luy  facions  pour  nos  princes  est  conforme  a  l'authorite  qu'il  leur  attribue  par  dessus  nous,  et  au  debvoir  auquel  il  nous  oblige  envers  eulx.  Or  sainct  Paul  exhorte  qu'on  prie  Dieu  pour  les  Rois  et  magistras,  a  fin  que  nous  menions  vie  paisible  en  toute  honnestete  et  crainte  de  Dieu.  C'est  donc  trop  estendu  la  subiection