6:429  TRAICTE  DES  RELIQUES.  ilz  ont  allegue  Vespasien.  D'avantage,  qu'on  pense  quel  iugement  a  eu  tant  le  Roy  que  [page  52]  on  appelle  sainct  Loys,  que  ses  semblables.  Il  y  avoit  bien  une  devotion  et  zele  tel  quel,  d'augmenter  la  Chrestiente;  mais  si  on  leur  eust  monstre  des  crottes  de  chievres,  et  qu'on  leur  eust  dit  :  voyla  des  patenostres  *)  de  nostre  Dame,  ilz  les  eussent  adorees  sans  contredit,  ou  les  eussent  apportees  en  leurs  navires  par  deca,  pour  les  colloquer  honnorablement  en  quelque  lieu.  Et  de  faict,  ilz  ont  consume  leur  corps  et  leur  bien,  et  une  bonne  partie  de  la  substance  de  leur  pays,  pour  rapporter  un  tas  de  menues  folies  dont  on  les  avoit  embabouines,  pensant  que  ce  fussent  ioiaux  les  plus  precieux  du  monde.  Pour  donner  encor  plus  amplement  a  congnoistre  ce  qui  en  est,  il  est  a  noter  qu'en  toute  la  Grece,  l'Asie  mineur  et  la  Mauritaine,  que  nous  appellons  auiourdhuy  en  vulgaire  le  pais  des  Indes,  on  monstre  avec  grande  asseurance  toutes  ces  antiquailles,  que  les  povres  idolatres  pensent  avoir  alentour  de  nous.  Qu'est  il  de  iuger  entre  les  uns  et  les  autres?  Nous  dirons  qu'on  a  apporte  les  reliques  de  ces  [page  53]  pays  la.  Les  Chrestiens  qui  y  habitent  encore  afierment  qu'ilz  les  ont,  et  se  moquent  de  nostre  folle  vanterie.  Comment  pourroit  on  decider  ce  proces,  sans  une  inquisition,  laquelle  ne  se  peut  faire,  et  ne  se  fera  iamais?  Par  quoy  le  remede  unique  est  de  laisser  la  chose  comme  elle  est,  sans  se  soucier  ne  d'une  part  ne  d'autre.  Les  dernieres  reliques  qui  appartiennent  a  Iesus  Christ,  sont  celles  qu'on  a  eu  depuis  sa  resurrection:  comme  un  morceau  du  poysson  rosty  que  luy  presenta  sainct  Pierre,  quand  il  s'apparut  a  luy  sur  le  bord  de  la  mer.  Il  faut  dire  qu'il  ayt  este  bien  espice,  ou  qu'on  y  ait  fait  un  merveilleux  saupiquet,  qu'il  s'est  peu  garder  si  longtemps.  3Iais,  sans  risee,  est  il  a  presumer  que  les  Apostres  ayent  faict  une  relique  du  poysson  qu'ilz  avoyent  apreste  pour  leur  disner?  Quiconques  ne  verra  que  cela  est  une  mocquerie  aperte  de  Dieu,  ie  le  laisse  comme  une  beste  qui  n'est  pas  digne  qu'on  luy  remonstre  plus  avant.  Il  y  a  aussi  le  sang  miraculeux  qui  est  sailly  [page  54]  de  plusieurs  hosties;  comme  a  Paris,  sainct  Iehan  en  Greve,2)  a  sainct  Iehan  d'Angely,  a  Diion,  et  ailleurs  en  tout  plein  de  lieux.  Et  afin  de  faire  le  monceau  plus  gros,  ilz  ont  adiouste  le  sainct  Canivet3)  dont  l'hostie  de  Paris  fut  piquee  par  un  luis,  lequel  les  povres  folz  Parisiens  ont  en  plus  grand  reverence  que  l'hostie  mesme.  Dont  nostre  1)  coronas  G,  2)  en  l'eglise  de  sainct  Iean  en  Greve  1563  suiv.  ad  Ioannis  Arenarii  Gr.  3)  sacrum  cultellum.