54:429  429  SUR  L'EPITRE  A  TITE.  430  Dieu  aura  fait  ceste  grace  a  un  homme  d'estre  marie,  qu'il  desire  d'estre  tellement  uni  et  conioint  avec  sa  femme,  qu'il  ne  soit  point  preoccupe  de  paillardise,  que  son  coeur  ne  tende  point  ailleurs,  mais  qu'il  suyve  son  train,  cognoissant  que  c'est  au  nom  de  Dieu  qu'il  est  marie,  et  qu'il  faut  qu'il  tiene  foy  a  sa  partie,  puis  qu'elle  luy  est  assignee  de  Dieu.  Voila  donc  comme  tous  Chrestiens,  combien  qu'ils  soyent  en  estat  prive,  doyvent  tellement  cheminer  en  l'estat  de  mariage  (s'ils  y  sont  appelez),  qu'un  chacun  se  contente  de  sa  partie,  qu'il  vive  honnestement,  et  sans  aucune  dissension.  Et  puis  ceux  ausquels  Dieu  a  fait  cest  honneur  de  leur  donner  des  enfans,  qu'ils  ad  visent  qu'ils  sont  d'autant  plus  obligez  a  mettre  peine  que  leurs  enfans  soyent  instruits  deuement.  Or  s'ils  veulent  avoir  une  bonne  instruction,  il  faut  tousiours  commencer  par  la  foy.  Car  les  enfans  pourront  avoir  en  apparence  toutes  les  vertus  du  monde,  mais  ce  ne  sera  rien  sinon  que  Dieu  soit  craint  et  honore  d'eux.  Comme  nous  en  verrons  qui  prendront  grand'  peine  a  ce  que  leurs  enfans  soyent  endoctrinez  aux  affaires  du  monde:  il  est  vray  qu'ils  donneront  bien  des  maistres  a  leurs  enfans,  mais  ce  sera  pour  apprendre  quelque  belle  parade,  qu'ils  ayent  quelques  trois  mots  de  Latin  pour  se  faire  valoir  a  table,  qu'ils  scachent  deviser,  et  tenir  de  belles  contenances  selon  le  monde  :  mais  de  cognoistre  Dieu,  il  n'en  est  point  question  ou  nouvelle.  Ce  n'est  pas  ainsi  qu'il  y  faut  proceder,  c'est  bien  mettre  la  charrue  devant  les  boeufs.  Apprenons  donc  a  l'exemple  de  sainct  Paul,  de  commencer  par  ce  bout  pour  instruire  les  enfans.  Car  quand  ils  auront  cognu  Dieu,  c'est  un  bon  fondement  sur  lequel  nous  pourrons  bastir:  mais  sans  cela,  il  n'y  a  que  ruine  et  confusion  :  car  quand  nous  aurons  travaille  pour  instruire  nos  enfans  en  la  foy,  et  en  la  droite  et  pure  cognoissance  de  Dieu  et  de  sa  verite,  il  faut  que  leur  vie  responde,  c'est  a  dire  qu'ils  soyent  honnestes,  qu'il  n'y  ait  point  de  dissolution,  d'intemperance,  qu'il  y  ait  une  telle  bride  qu'ils  ne  s'adonnent  point  a  friandises,  ni  a  yvrongneries,  ni  a  ieux  dissolus,  ni  a  choses  semblables,  qu'il  n'y  ait  point  de  chatterie,  comme  on  appelle.  Voila  donc  le  second  que  sainct  Paul  nous  commande  en  ce  passage.  Mais  pource  que  c'est  un  bestail  difficile  a  gouverner  que  les  ieunes  gens,  sainct  Paul  escrit  qu'il  faut  qu'ils  soyent  humbles  et  dociles  :  car  s'il  n'y  a  modestie  aux  petis  enfans,  on  prendra  beaucoup  de  peine  a  les  instruire,  mais  ils  regimberont  comme  les  chevaux  qui  ne  sont  point  faconnez,  qui  mordent  et  ruent  contre  leur  maistre.  Ainsi  donc  notamment  sainct  Faul  a