52:429  429  CAPUT  III.  430  tione  quae  fit  per  evangelium,  dum  se  peculiariter  electis  offert  ac  patefacit.  Neque  enim  priore  illo  Christo  adventu  renovatus  fuit  Paulus:  imo  Christus  resurrexerat  in  gloriam,  salus  in  nomine  ipsius  plurimis  non  in  Iudaea  tantum,  sed  per  vicinas  regiones  affulserat,  quum  Paulus,  infidelitate  caecus,  gratiam  hanc  modis  omnibus  exstinguendam  curabat.  Ergo  tunc  sibi  et  aliis  apparuisse  Dei  gratiam  intelligit,  dum  illuminati  sunt  in  evangelii  notitiam.  Nec  vero  aliter  quadraret  applicatio:  quia  non  indifferenter  de  suae  aetatis  hominibus  agit,  sed  proprie  compellat  eos,  qui  segregati  erant  ex  reliquo  numero:  ac  si  dixisses  olim  fuisse  similes  incredulis  qui  adhuc  in  tenebris  demersi  sunt:  nunc  autem  non  proprio  merito,  sed  Dei  gratia  ab  illis  differre,  quemadmodum  ad  1.  Corinth,  e,  7  eadem  ratione  arrogantiam  omnem  carnis  retundit.  Quis  enim  te  discernit,  vel  reddit  aliis  praestantiorem?  Bonitas  et  amor.  Bonitatem  priore  loco  recte  posuit,  quae  Deum  ad  nos  amandos  inclinat.  Neque  enim  in  nobis  inveniet  quod  amare  debeat:  sed  ideo  amat,  quia  bonus  est  et  misericors.  Caeterum  utcunque  suam  omnibus  bonitatem  et  dilectionem  testetur,  non  tamen  eam  agnoscimus  nisi  fide,  dum  se  in  Christo  patrem  declarat.  Fruebatur  Paulus,  antequam  vocatus  esset  ad  fidem  Christi,  innumeris  Dei  bonis,  quae  paternae  Dei  clementiae  gustum  illi  dare  poterant:  eruditus  fuerat  a  puero  per  legis  doctrinam.  Errat  tamen  in  tenebris  ne  sentiat  Dei  bonitatem,  donec  spiritus  mentem  eius  illustret,  atque  interveniat  Christus  testis  ac  sponsor  gratiae  Dei  patris,  a  qua,  sine  ipso,  sumus  omnes  alieni.  Ita  humanitatem  Dei  nonnisi  fidei  luce  patefactam  intelligit  5.  Non  ex  operibus.  Meminerimus  Paulum  hic  sermonem  habere  ad  fideles,  ac  modum  describere  quo  in  regnum  Dei  ingressi  sint.  Negat  eos  quidquam  operibus  suisse  promeritos  ut  salutis  fierent  participes,  velut  Deo  reconciliarentur  per  fidem:  sed  hoc  bonum  adeptos  fuisse  dicit  sola  Dei  misericordia.  Proinde  ex  eius  verbis  colligimus,  nihil  nos  afferre  ad  Deum,  sed  mera  eius  gratia  praeveniri,  nullo  operum  respectu.  Nam  quum  dicit,  non  ex  operibus  quae  fecissemus,  significat  nihil  posse  nos  quam  peccare,  donec  regeniti  simus  a  Deo.  Pendet  enim  haec  negatio  ex  superiore  affirmatione,  ubi  dixerat,  stultos  et  immorigeros  esse,  variisque  cupiditatibus  addictos,  qui  nondum  reformati  sunt  in  Christo:  ac  sane  ex  tam  corrupta  massa  quodnam  prodiret  bonum  opus?  Insaniunt  ergo  qui  hominem  suis  (ut  vocant)  praeparationibus  accedere  ad  Deum  fingunt.  Tota  enim  vitae  periodo  longius  ab  eo  discedunt,  donec  sua  manu  ab  errore  eos  in  viam  retrahit.  Denique  quod  nos,  potius  quam  alii,  cooptati  sumus  in  Christi  participationem,  id  totum  Paulus  assignat  Dei  misericordiae,  quia