32:429  429  PSALMUS  CXLVII.  430  alimenta  porrigat.  Nain  quod  fabulantur  Iudaei  deseri  a  pullis  suos  corvos  simul  ac  exclusi  sunt,  et  vermes  nasci  in  corticibus  arborum  ad  eos  pascendos,  hoc  suo  more  faciunt  :  quia  nulla  illis  religio  vel  pudor  est  quidvis  sine  colore  comminisci  quoties  aliquid  ambiguum  occurrit.  Nobis  autem  hoc  "sufficiat,  totum  naturae  ordinem  sic  temperari  a  Deo  ut  ne  pullis  quidem  corvorum  desit  cibus,  qui  crocitando  fatentur  se  esse  famelicos,  nec  sibi  esse  inopiae  remedium  nisi  Deus  succurrat,  10.  (Non  in  fortitudine.)  Postquam  docuit  propheta  nullam  mundi  partem  vacuam  esse  beneficentia  Dei,  nominatim  pronuntiat  nullas  suppetere  vires  hominibus,  nisi  quas  e  coelo  ipse  idem  inspirat:  idque  consulto  addit  refellendae  superbiae  causa  qua  naturaliter  inflati  sunt  fere  omnes,  ut  nitantur  propria  virtute.  Sensus  autem  verborum  est,  veniat  homo  instructus  suo  robore,  et  adiumenta  omnia  afferat  quibus  pollere  sibi  videtur,  fumus  erit  et  mendacium  :  imo  si  vel  minimum  quidpiam  sibi  arroget,  solo  hoc  obiectu  impediet  atque  arcebit  Dei  gratiam  qua  sola  stamus.  Sub  fortitudine  equi,  per  synecdochen  quodlibet  praesidii  genus  designat,  non  quod  Deo  per  se  displiceant  quae  nobis  largitur  adminicula:  sed  quia  necesse  est  a  prava  eorum  fiducia  nos  abstrahi,  quia  nihil  magis  commune  est  simulac  facultas  aliqua  nobis  ad  manum  suppetit,  quam  vesano  fastu  inebriari.  Ideo  tam  hominum  quam  equorum  fortitudini  opponit  Dei  timorem,  et  spem  quae  in  eius  misericordia  recumbit:  ac  si  diceret,  hanc  praecipue  modestiam  a  nobis  requiri,  ut  pie  sancteque  Deum  colendo  pendeamus  ab  eius  gratia.  Unde  colligimus  non  aliam  fortitudinem  damnari  nisi  quae  Deum  honore  suo  fraudat.  12.  Celebro,  Ierusalem  Iehovam,  laudo,  Deum  tuum  Sion  :  13.  Quia  roborat  vectes  portarum  tuarum,  benedicit  filiis  tuis  in  medio  tui.  14.  Qui  ponit  fines  tuos  pacem,  pinguedine  frumenti  satiat  te.  12.  (Celebra  Ierusalem  Iehovam.)  Postquam  in  genere  disseruit  de  beneficiis  Dei,  rursus  sermonem  ad  fideles  convertit,  quos  solos  ante  diximus  sano  gustu  praeditos  esse,  ut  cum  vera  gratitudine  percipiant  quae  mundus  ingurgitat  bona.  Porro  totam  ecclesiam  compellat  sub  nomine  Ierusalem:  quia  illic  sacros  conventus  tunc  agebant  fideles,  et  quasi  confluebant  sub  Dei  vexillum.  Quanquam  autem  paulo  post  de  universali  mundi  gubernatione  iterum  verba  faciet,  nunc  Dei  gratiam  commendat,  quam  nonnisi  erga  fideles  suos  exserit  ;  nempe  dum  ecclesiam  suam  defendit,  benigne  fovet,  largiter  bonis  omnibus  ditat,  salvam  denique  ab  omni  noxa  tranquillamque  praestat.  Vectes  enim  portarum  a  Deo  firmari  dicens,  intelligit  sanctam  urbem  optime  Dei