25:429  429  IOSUE.  CAPUT  I.  1.  Fuit  autem  post  mortem  Mosis,  ut  Iehova  alloqueretur  Iosue,  dicendo:  2.  Moses  servus  meus  mortuus  est:  nunc  ego  surge,  traiice  Iordanem  istum  tu,  et  omnis  Me  populus,  ad  terram  quam  ego  do  illis,  nempe  filiis  Israel,  3.  Omnem  locum  quem  calcaverit  planta  pedis  vestri  vobis  dedi:  quemadmodum  loquutus  sum  Mosi.  4.  A  deserto  et  Libano  isto  usque  ad  flumen  magnum,  flumen  Euphratem,  tota  terra  Hitthaeorum  usque  ad  mare  magnum  ad  occasum  solis,  erit  terminus  vester.  1.  Fuit  autem.  Primo  hic  ostenditur  Dei  perseverantia  in  fovendo  populo,  curandaque  eius  salute.  Quod  enim  Iosue  novum  ducem  repetitis  mandatis  confirmat,  pertinet  ad  continuandum  gratiae  cursum,  ne  Mosis  obitu  se  derelictos  esse  putent.  Iam  quidem  electus  erat  Iosue  ad  gubernandum  populum,  neque  munus  iniunctum  duntaxat,  sed  spiritualibus  quoque  donis  ipse  fuerat  instructus.  Verum  quia  fortissimi  etiam  quique,  licet  probe  comparati,  ubi  ad  rem  ventum  est,  vel  subsistunt,  vel  vacillant:  minime  supervacua  fuit  haec  exhortatio,  ut  Iosue  mox  ad  expeditionem  se  accingeret.  Quanquam  non  tantum  eius  causa  iterum  sancitur  eius  vocatio:  sed  ut  populus  collectis  animis  eum  sequi  ducem  non  dubitet,  quem  videt  pedem  non  movere  nisi  praeeunte  Deo.  2.  Servus  meus  Moses.  Duplex  elici  potest  sensus:  prior  erit:  quandoquidem  Moses  est  mortuus,  nunc  onus  in  te  devolutum  est.  Tu  ergo  subeas  in  eius  vicem,  cui  datus  es  successor.  Alter:  Quamvis  interierit  Moses,  ne  tamen  desistas,  sed  ulterius  perge.  Verum  illatio  magis  mihi  probatur,  ut  provinciam,  ex  qua  decesserat  Moses,  ipse  suscipiat  successionis  iure.  Epitheton  Servi  quod  Mosi  adscribitur,  gubernationem  populi  respicit,  ac  res  eius  gestas:  quia  accommodari  debet  ad  circumstantiam  loci.  Neque  enim  de  lege  hic  agitur:  sed  de  praefectura,  quae  eo  mortuo  transierat  ad  Iosue.  Ac  Deus  quidem  non  tam  ut  Mosen  laudet,  minis-