7:428  locis  unum  opponere  sufficiet:  qui  videtur,  data  opera,  ad  refutandam  eorum  vanitatem,  conscriptus.  Nam  libro  adversus  Iulianum  quinto,  nominatim  tres  causas  enumerat,  cur  peccatum  vocetur,  etiam  in  renatis.  Verba  sunt:  Ut  caecitas  cordis  peccatum  est,  quo  in  Deum  non  creditur:  et  poena  peccati,  qua  superbum  cor  digna  animadversione  punitur:  et  causa  peccati,  quum  aliquid  caeci  cordis  errore  committitur:  ita  concupiscentia  carnis,  cui  resistit  bonus  spiritus,  et  peccatum  est,  quia  illi  inest  inobedientia  adversus  dominatum  mentis:  et  poena  peccati,  quia  reddita  est  meritis  inobedientis:  et  causa  peccati,  defectione  consentientis,  vel  contagione  nascentis.  Significationem  verbi,  quam  veteri  ecclesiae  fuisse  incognitam  synodus  declarat,  primo  loco  hic  poni  a  primario  [pag.  129]  antiquitatis  teste,  nemo  est  qui  non  videat.  Multum  certe  valebit  synodi  definitio,  si  tenebras  ex  tam  clara  luce  efficiat:  atque  ita  fascinet  hominum  oculos,  ut  fluvium  se  videre  putent  in  arbore.  IN  SECUNDUM  DECRETUM  SESSIONIS  QUINTAE.  Primum  scire  velim,  quaenam  sint  illa  probata  concilia,  quae  summis  pontificibus  adiungunt.  Nam  quo  tempore  legitima  concilia,  probaeque  notae  habebantur:  nemo  unus  agnoscebatur  summus  pontifex,  ac  ne  primus  quidem  episcopus.  Nam  id  nominatim  in  synodo  Carthaginensi  vetitum  fuit.  Proinde  videmus,  quae  tam  specioso  fuco  hic  pinguntur  concilia,  non  alia  esse,  quam  sex  aut  septem  adulterina,  post  exstinctam  sanae  doctrinae  lucem,  post  collapsam  disciplinam  habita,  quibus  meri  asini  et  crassi  boves  interfuerunt:  quae  nihil  prae  se  ferunt  antiquae  dignitatis:  sed  gothicam  romanae  sedis  tyrannidem  redolent.  O  exactam  reformationem!  Ut  quae  ex  putida  corruptissimi  saeculi  faece  collegit  synodus  Lateranensis,  et  posterioribus  conciliis  in  deterius  etiamnum  mutata  sunt,  postliminio  revocentur.  1)  Quanquam  [pag.  130]  hic  erro:  nam  se,  nescio  quid,  addituros  profitentur.  Ergo  qualis  ista  sit  accessio,  ex  decretis  videndum.  Iubent,  ut  qui  praebendas  obtinent  sacrae  theologiae  lectoribus  destinatas,  docendi  officium  exerceant,  vel  per  se,  vel  per  alios,  si  minus  erunt  idonei.  Indoctis  itaque  hominibus,  et  penitus  ineptis  locum,  quem  fraude,  quem  iniuria,  quem  sacrilegio,  1)  Voicy  la  belle  et  feriale  reformation  de  Trente,  assavoir  que  ce  que  le  Concile  de  Latran  a  ravaude  et  rapetasse,  amassant  comme  vieilles  savattes  beaucoup  de  facons  de  faire,  qui  n'avoyent  guere  de  convenance  avec  la  vraye  Chrestiente  :  et  les  determinations  qui  sont  survenues  depuis  encore  plus  corrompues,  que  tout  cela,  dy  ie,  soit  remis  en  son  estat.  quem  nulla  iuris  specie  occuparunt,  relinquit  synodus:  modo  vicariis  aliquantulam  stipendii  portionem  erogent.  Sed  in  posterum  diligenter  cavet,  ne  quis,  nisi  idoneus,  admittatur.  Quorum  iudicio?  Et  qui*  bus  iniungerent  has  partes,  nisi  loci  canonicis?  Creabit  ergo  episcopus  qualem  volet  lectorem.  Quod  erit  tam  morosum  collegium,  cui  non  sufficiat  ille,  qualiscunque  fuerit?  Verum,  si  improbari  contingat,  lis  orietur.  Nisi  plus  quam  monstrum  1)  appareat,  rata  erit  episcopi  nominatio.2)  Iam  quis  legendi  ordo?  quod  tempus?  quod  auditorium?  Quae  omnia  prudenter  tacent  venerandi  patres,  ut  simplicibus  persuadeant  aliquid  se  agere,  quum  nihil  egerint.  Quid  enim?  Nonne  quod  praescribunt  usitatum  est,  ut  singulis  septimanis  lector,  retinendae  possessionis  causa  duos  aut  tres  ex  compotoribus  invitet  ad  inane  lectionis  spectaculum?  [pag.  131]  Secundo  capite  novas  lectiones  instituunt.  Ubi?  In  metropolitanis  ecclesiis,  aut  episcopalibus  :  si  tamen  erit  insignis  civitas  ac  populosa.  Quorsum  ista  addita  est  exceptio?  Veriti  sunt  scilicet,  ne  frigeret  auditorium:  si  minus  celebris  esset  locus.  Hoc  vero  perinde  est,  ac  si  nihil  dicerent:  sed  volunt  idem  ius  in  oppidis  insignibus  servari.  Dicunt  quidem:  sed  quam  rationem  expediunt?  Ut  vel  episcopus  stipendium  ex  simplici  beneficio3)  as-  1)  un  tronc  de  bois.  2)  Car  moyennant  qu'on  apporte  les  lettres  de  doctorie  que  faudra  il  plus  enquerir?  3)  d'un  benefice  a  simple  tonsure.