55:428  dolore,  tristitia,  aut  quovis  alio  immoderato  affectu  praeoccupati,  iudicio  caremus,  et  quasi  tempestate  iactati,  sub  turbido  coelo  et  inter  medias  procellas  nihil  cernimus:  ideo  necesse  alio  coniicere  oculos,  ubi  coelum  quodammodo  serenum  et  liquidum  est.  Quum  nobis  sanctorum  narrantur  afflictiones,  nemo  est  qui  miseros,  ao  non  potius  beatos  fuisse  fateatur.  Recte  ergo  Iacobus,  qui  exemplar  illud  ponit  ante  oculos,  ut  eo  nos  referre  discamus  quoties  tentamur  impatientia  aut  desperatione.  Sumit  autem  principium  illud,  beatos  censeri  in  suis  afflictionibus  prophetas,  quia  constanter  eas  sustineant.  Quum  ita  sit,  idem  fieri  iudicium  debere  colligit,  dum  nos  affligimur.  Dicit  autem,  prophetas  qui  loqjuuti  sunt  nomine  Domini,  quo  significat  illos  Deo  gratos  et  probatos  fuisse.  Ergo  si  utile  illis  fuisset  eximi  a  miseriis,  proculdubio  praestitisset  ipsos  Deus  immunes.  Atqui  non  fecit:  sequitur  ergo  salutares  esse  afflictiones  fidelibus.  Hoc  sensu  iubet  illos  assumi  exemplar  afflictionum  :  sed  oportet  patientiam  simul  accedere,  quae  verum  est  obedientiae  nostrae  testimonium:  ideo  utramque  coniunxit.  l  l  .  Patientiam  Iob.  De  prophetis  generaliter  loquutus  est:  nunc  insigne  prae  aliis  exemplum  eligit.  Nemo  enim  (quantum  ex  historiis  colligi  potest)  tam  duris  ac  tam  variis  aerumnis  unquam  fuit  obrutus:  emersit  tamen  ex  tam  profunda  abysso.  Quisquis  ergo  imitabitur  eius  patientiam,  non  dubium  est  quin  manum  Dei  similiter  sensurus  sit,  quae  tandem  eum  liberet.  Videmus  in  quem  finem  scriptae  sint  historiae.  Deus  servuru  suum  Iob,  quia  patienter  afflictiones  suas  sustinuit,  non  passus  est  opprimi:  ergo  nullius  patientiam  frustrabitur.  Quaeritur  tamen  cur  patientiam  Iob  tantopere  commendet  apostolus,  quum  tamen  caeco  impetu  abreptus,  multa  impatientiae  signa  edat.  Respondeo:  etiamsi  vel  interdum  carnis  infirmitate  labascat,  vel  secum  tumultuetur:  semper  tamen  huc  redire  ut  se  totum  Deo  permittat,  seque  ipsi  fraenandum  ac  regendum  offerat.  Quare  utcunque  desit  aliquid  eius  patientiae,  non  immerito  tamen  laudatur.  Finem  Domini.  Hoc  verbo  significat,  a  fine  semper  aestimandas  esse  afflictiones.  Initio  enim  videtur  procul  abesse  Deus:  interea  licentiose  grassatur  Satan  in  hac  perturbatione:  suggerit  nobis  caro,  nos  desertos  a  Deo  esse  ac  proditos:  longius  ergo  extendere  intuitum  nostrum  oportet,  quia  prope  nihil  lucis  apparet.  Porro  finem  Domini  dixit:  quia  eius  est,  prosperum  successum  rebus  adversis  dare  :  si  nos  officium  nostrum  praestemus  obedienter  sustinendo,  ipse  partibus  suis  vicissim  minime  deerit.  Tantum  nos  in  finem  spes  dirigat,  Deus  ipse  vicissim  se  plusquam  misericordem  illic  ostendet,  quantumvis  rigidus  et  austerus  videatur  quamdiu  affligit.