54:428  medes  qu'on  leur  propose,  qu'ils  perissent  comme  povres  et  miserables  creatures  qu'ils  sont.  Ainsi  donc  notons  bien  quand  sainct  Paul  dit  qu'il  ne  faut  point  que  les  enfans  des  ministres  de  la  parole  soyent  accusez  d'intemperance,  que  par  cela  il  entend  qu'on  n'appercoyve  point  en  eux  une  vie  dissolue  et  meschante,  maio  qu'ils  se  gouvernent  honnestement,  et  qu'ils  ne  soyent  point  en  scandale,  qu'ils  ne  donnent  point  occasion  qu'on  detracte  ne  qu'on  murmure  d'eux.  Voila  pour  le  second.  Il  y  a  tiercement,  qu'ils  ne  soyent  point  rebelles:  c'est  a  dire,  que  celuy  qui  est  constitue  pour  anoncer  la  parole,  et  pour  gouverner  et  instruire  l'Eglise  de  Dieu,  advise  bien  que  ses  enfans  ne  soyent  point  revesches,  qu'ils  ne  soyent  point  comme  bestes  sauvages,  durs,  et  fascheux  a  gouverner.  Car  s'il  ne  peut  faire  cela  de  ses  enfans,  que  fera-ii  envers  ceux  qui  ne  luy  appartienent  de  rien?  S'il  ne  peut  reprimer  un  petit  enfant  en  son  insolence,  que  pourra-il  faire  envers  tout  un  peuple?  Voila  donc  l'intention  de  sainct  Paul.  Mais  cependant  notons  qu'il  parle  tellement  a  ceux  qui  doyvent  estre  eleus  Pasteurs,  que  ceste  doctrine  est  generale  a  tous.  Ici  il  ne  remonstre  point  aux  Pasteurs  quels  ils  doyvent  estre,  comme  s'il  leur  addressoit  son  propos:  mais  il  declare  quelles  gens  on  doit  choisir  en  cest  office  et  en  cest  estat:  Qu'on  se  garde  (dit-il)  s'il  y  a  un  homme  tant  mal-advise  qu'il  ne  puisse  gouverner  sa  maison,  qu'on  se  garde  de  luy  mettre  une  charge  beaucoup  plus  pesante  et  difficile.  Et  puis  quand  on  parle  de  l'election  des  ministres,  que  cela  passe  encores  plus  outre.  Car  si  un  homme  est  eleu  pour  anoncer  la  parole  de  Dieu,  et  qu'il  se  gouverne  mal,  et  luy  et  sa  maison,  il  n'est  pas  en  heritage,  il  faut  que  cela  soit  retranche,  et  qu'un  tel  scandale  ne  soit  point  endure:  mais  tout  ainsi  qu'il  faut  qu'un  chacun  regarde  a  soy,  ie  di  nous  qui  sommes  constituez  en  charge  publique,  et  que  nous  advisions  a  ce  que  sainct  Paul  ordonne,  pour  scavoir  quelles  gens  on  y  doit  choisir,  qu'un  chacun  aussi  mette  peine  de  se  conformer  a  la  reigle  qui  est  ici  contenue,  et  que  nous  prions  Dieu  qu'il  nous  face  la  grace  de  cheminer  en  sorte  que  sa  parole  ne  soit  point  suiette  a  mocquerie  a  cause  de  nous,  et  que  nos  vices  ne  donnent  point  occasion  aux  meschans  de  blaphemer  contre  le  nom  de  Dieu,  pour  dire,  Cestuy-la  est  un  blasphemateur,  c'est  un  meschant,  voila  donc  un  bel  Evesque:  que  ce  motla  ne  puisse  eschapper  de  la  bouche  des  meschans,  qu'ils  ne  soyent  rembarrez,  et  qu'ils  ne  soyent  malins  quand  ils  parleront  ainsi.  Et  aussi  il  monstre  quels  doyvent  estre  les  Chrestiens.  Il  est  vray  que  les  Ministres  de  la  parole  de  Dieu  vont  devant:  mais  tant  y  a  que  les  autres  se  doyvent  aussi  bien  ranger  a  ceci,  chacun  selon  son  estat.  Et  quand