52:428  lumus  censeri,  cor  omni  invidia  purgatum,  omni  malitia  purum  habere  nos  oportet,  amare  et  mutuo  amabiles  esse  convenit.  Cupiditates  vero  in  nobis  dominari  absurdum  est:  quae  ideo  variae  dicuntur  (meo  iudicio)  quoniam  libidines,  quibus  homo  carnalis  circumagitur,  veluti  contrarii  sunt  fluctus:  qui  dum  inter  se  confligunt,  hominem  ipsum  versant  huc  et  illuc,  ut  variet  atque  alternet  fere  in  singula  momenta.  Talis  certe  est  omnium  inquietudo  qui  se  carnis  desideriis  permittunt,  quia  nulla  nisi  in  Dei  timore  stabilitas.  4.  Sed  postquam  bonitas  et  amor  erga  homines  apparuit  servatoris  nostri  Dei,  5.  non  ex  operibus  quae  essent  in  iustitia,  quae  nos  fecissemus^  sed  se*  eundum  suam  misericordiam  salvos  nos  fecit  per  lavacrum  regenerationis  ac  renovationis  spiritus  sancti,  6.  quod  effudit  in  nos  opulente  per  Iesum  Christum  servatorem  nostrum:  7.  ut  iustificati  illius  gratia,  haeredes  efficeremur  secundum  spem  vitae  aeternae.  Aut  verbum  principale  in  hac  sententia  est,  Deum  nos  sua  misericordia  salvos  fecisse,  aut  oratio  est  defectiva.  Ita  subaudiendum  erit,  mutatos  fuisse  in  melius,  novosque  factos  fuisse  homines,  ex  quo  eorum  misertus  est  Deus:  ac  si  diceret:  tunc  coepistis  demum  ab  illis  differre,  quum  vos  Deus  spiritu  suo  regenuit.  Quia  tamen  in  verbis  Pauli  constat  plenus  sensus,  nihil  addere  necesse  est.  Porro  se  inter  alios  numerat,  quo  efficacior  sit  exhortatio.  4.  Postquam  apparuit.  Principio  quaeri  posset  an  tunc  coeperit  innotescere  mundo  Dei  bonitas,  quum  exhibitus  fuit  Christus  in  carne.  Nam  certo  et  bonum,  et  clementem,  et  sibi  propitium  ab  initio  senserunt  patres  et  experti  sunt.  Non  fuit  igitur  haec  prima  bonitatis  paternique  erga  nos  amoris  manifestatio.  Responsio  facilis  est,  quod  non  aliter  gustarunt  Dei  bonitatem  patres  sub  lege  quam  in  Christum  respiciendo,  a  cuius  adventu  pendebat  tota  eorum  fides.  Ita  dicitur  apparuisse  Dei  bonitas,  quum  eius  pignus  exhibuit,  ac  re  ipsa  comprobavit  se  non  frustra  toties  hominibus  salutem  esse  pollicitum.  Sic  Deus  dilexit  mundum  (inquit  Iohannes  3,  16)  ut  filium  unigenitum  traderet.  Alibi  etiam  Paulus:  Confirmat  Deus  caritatem  suam  erga  nos,  quod,  quum  inimici  essemus,  filium  suum  misit,  ete.  (Rom.  5,  8).  Haec  usitata  est  loquendi  ratio  in  scripturis,  quod  per  Christi  mortem  reconciliatus  fuit  mundus  Deo:  quem  tamen  saeculis  omnibus  scimus  benignum  fuisse  patrem.  Sed  quia  divini  erga  nos  amoris  causam  et  materiam  salutis  nostrae  nonnisi  in  Christo  invenimus,  non  abs  re  dicitur  Deus  pater  bonitatem  suam  in  eo  nobis  ostendisse.  Quamquam  alia  est  loci  huius  ratio,  ubi  Paulus  non  de  communi  illa  Christi  manifestatione  loquitur,  quum  homo  in  mundum  prodiit,  sed  de  manifesta-