8:427  427  QUATRE  SERMONS.  428  estre  contemple,  au  4  de  la  seconde  aux  Corinthiens  (v.  4).  Les  Sacremens  ont  une  mesme  nature,  et  en  somme  l'ordre  tel  que  Dieu  Fa  mis  en  son  Eglise.  Pourtant,  que  les  braves  et  orgueilleux  de  ce  monde  se  mocquent  tant  qu'ils  vouldront:  mais  puis  que  Dieu  nous  a  faict  ce  bien  de  s'abbaisser  a  nous,  n'ayons  point  de  honte  de  porter  cest  honneur  a  sa  parolle  et  a  ses  Sacremens:  de  le  regarder  la  comme  en  face,  non  pas  pour  estre  retenus  icy  bas  aux  elemens  corruptibles  du  monde,  comme  les  Papistes  qui  font  des  idoles  de  tous  les  signes  que  Dieu  nous  a  donnez  pour  nous  conduire  a  Iesus  Christ:  mais  tant  y  a  que  pour  iouir  une  fois  pleinement  de  la  presence  de  Dieu,  il  fault  que  nous  tendions  a  luy  par  ces  moyens  inferieurs.  Vray  est  qu'il  ne  nous  fault  pas  prendre  trop  estroictement  ce  que  ie  di,  comme  si  iamais  les  fideles  n'approchoyent  de  Dieu,  sinon  quand  ils  viennent  au  temple:  car  cela  seroit  une  superstition  trop  lourde.  Mais  i'enten  qu'il  ne  nous  fault  point  mettre  Dieu  par  dessus  les  nues,  comme  font  aucuns  fantastiques,  et  speculer  de  sa  haulte  maieste  ce  que  bon  nous  semble,  laissant  derriere  tant  la  predication  de  l'Evangile  que  les  autres  moyens  semblables:  comme  si  on  la  povoit  veoir  en  fermant  les  yeulx.  Car  a  la  verite,  ceulx  qui  mesprisent  l'usage  que  ie  di,  tant  des  Sacremens  que  de  tout  l'ordre  de  l'Eglise,  ne  daignent  regarder  Dieu  quand  il  leur  apparoist.  Regardons  maintenant  combien  il  nous  est  necessaire  que  Dieu  nous  incite  de  venir  a  luy.  Nous  avons  desia  dict  quelle  grace  et  honneur  il  nous  faict  de  nous  convier  si  doulcement  a  soy  pour  avancer  nostre  salut,  et  nous  amener  a  la  vraye  et  parfaicte  felicite,  de  laquelle  nous  sommes  bien  loing  quant  a  nous.  Mais  nous  avons  aussi  a  noter  que  ce  n'est  pas  sans  grande  necessite  que  Dieu  nous  pieque  et  sollicite  pour  nous  garder  d'estre  malheureux.  En  premier  lieu  nous  avons  la  veue  tant  esgaree  que  c'est  pitie.  Car  il  n'y  a  que  les  vanitez  de  ce  monde  qui  occupent  [f.  57]  tous  nos  sens,  et  Satan  ha  des  illusions  infinies  pour  nous  tromper.  Vray  est  que  toutes  ses  cautelles  ne  sont  que  mommeries  ou  ieux  de  farce  et  amuse-fols:  mais  l'experience  monstre  combien  nous  sommes  fols  ou  insensez  en  nous  laissans  seduire  par  trop.  Parquoy,  si  nous  estions  bien  advisez,  ceste  voix  de  Dieu  nous  retentiroit  tousiours  aux  oreilles:  Cerchez  ma  face.  Mais  quoy?  d'autant  que  Dieu  est  songneux  de  son  coste,  nous  sommes  paresseux  et  tardifs.  Pleust  a  Dieu  encores  que  nous  ne  fussions  pas  chevaulx  retifs  pour  reculer  au  lieu  d'avancer!  Tant  y  a  que  cest  exemple  ne  nous  est  pas  propose  en  vain.  Car  la  protestation  que  fait  David  d'avoir  medite  en  son  cueur  ceste  doctrine,  que  luy  et  tous  fideles  debvoyent  cercher  la  face  de  Dieu,  nous  monstre  a  quoy  nous  debvons  estudier,