6:427  TRAICTE  DES  RELIQUES.  suyvre  par  le  menu  toutes  les  moqueries  dont  ilz  usent.  On  monstre  [page  47]  a  Rome,  a  sainct  Iehan  de  Latran,  Ie  rameau1)  qui  fut  mis  en  la  main  de  Iesus  Christ,  au  lieu  d'un  sceptre,  quand  on  le  batoit  par  moquerie,  en  la  maison  de  Pilate.  La  mesme,  en  l'eglise  saincte  Croix,  on  monstre  l'esponge  avee  laquelle  on  luy  mist  en  la  bouche  le  fiel  et  la  myrrhe.  Ie  vous  prie,  ou  est-ce  qu'on  les  a  recouvertz?  2)  C'estoyent  les  infideles  qui  les  avoyent  entre  leurs  mains.  Les  ont  ilz  delivrez  aux  Apostres,  pour  en  faire  des  reliques?  Les  ont  ilz  eux-mesmes  enserrez,  pour  les  conserver  au  temps  advenir?  Quel  sacrilege  est-ce  d'abuser  ainsi  du  Nom  de  Iesus  Christ,  pour  couvrir  des  fables  tant  froydement  forgees?  Autant  en  est  il  des  deniers  que  Iudas  receut  pour  avoir  trahy  nostre  Seigneur.  Il  est  dit  en  l'Evangile  qu'il  les  rendit  en  la  synagogue  des  pharisiens,  et  qu'on  en  acheta  3)  un  champ  pour  ensepvelir  les  estrangiers.  Qui  estce  qui  a  retire  ces  deniers  la  de  la  main  du  marchant?  Si  on  dit  que  ce  ont  este  les  disciples,  cela  est  par  trop  ridicule:  il  faut  chercher  [page  48]  une  meilleure  couleur.  Si  on  dit  que  cela  s'est  faict  long  temps  apres,  encores  y  a  il  moins  d'apparence,  veu  que  l'argent  pouvoit  estre  passe  par  beaucoup  de  mains.4)  Il  faudroit  donc  monstrer,  ou  que  le  marchant  qui  vendit  sa  possession  aux  Pharisiens  pour  faire  un  cymetiere,  l'eust  fait  pour  achepter  les  deniers,  afin  d'en  faire  des  reliques;  ou  bien  qu'il  les  a  revendus  aux  fideles.  Or,  de  cela,  il  n'en  fut  iamais  nouvelle  en  l'eglise  ancienne.  C'est  une  semblable  fourbe  des  degres  du  pretoire  de  Pilate  qui  sont  a  sainct  Iehan  de  Latran  a  Rome,  avec  des  trouz,  ou  ilz  disent  que  des  gouttes  de  sang  tomberent  du  corps  de  nostre  Seigneur.5)  Item,  la  mesme,  en  l'eglise  saincte  Praxede,  la  eoulonne  a  laquelle  il  fut  attache  quand  on  le  foyta;  et  en  l'eglise  saincte  Croix,  troys  autres,  a  l'entour  desquelles  il  fut  pourmene  allant  a  la  mort.  De  toutes  ces  coulonnes,  ie  ne  say  ou  ilz  les  ont  songe.  Tant  y  a  qu'ilz  les  ont  imaginees  a  leur  propre  fantasie.  Car  en  toute  l'histoire  de  l'Evangile  [page  49]  nous  n'en  lisons  rien.  Il  est  bien  dict  que  Iesus  Christ  fut  flagelle;  mais  qu'il  fust  attache  a  un  pilier,  cela  est  de  leur  glose.  On  voit  donc  qu'ilz  n'ont  tasche  a  autre  chose,  sinon  d'amasser  comme  une  mer  de  mensonges.  En  quoy  ilz  se  sont  donnez  une  telle  licence,  qu'ilz  n'ont  point  eu  honte  de  feindre  une  relique  de  la  queue  de  l'asne  sur  lequel  nostre  Seigneur  fut  porte.  Car  ilz  la  nion-  1  roseau  1563  smv.;  calamus  G.  2  reeouyrez  1563  suivr,  recuperata  G.  3  et  puis  on  en  achetta  1563  smv.  4  Le  traducteur  ajoute:  aliisque  admisceri.  5  1563  suiv.  ajoutent:  Iesus  Christ.