55:427  427  EPIST.  IACOBI  428  ut  damnentur  omnes:  quia  nemo  est  qui  non  fratres  suos  offendat,  et  materiam  praebeat  ingemiscendi.  Iam  si  conquerantur  singuli,  omnes  se  mutuo  accusabunt:  nemo  enim  tam  innocens,  qui  non  aliquos  laeserit:  Deus  communis  erit  omnium  iudex.  Quid  ergo  futurum  est,  nisi  ut  quod  quisque  iudicium  in  alios  ferri  cupit,  in  se  ipsum  admittat:  atque  ita  exaudiantur  omnes  in  mutuam  perniciem?  Nemo  itaque  vindictam  de  aliis  exposcat,  nisi  qui  in  caput  suum  volet  accersere.  Ac  ne  temere  ad  eiusmodi  querelas  prosiliant,  iudicem  denuntiat  stare  pro  foribus.  Nam,  quae  nostra  est  propensio  ad  profanandum  Dei  nomen,  in  levissimis  quibusque  offensis  provocamus  ad  eius  iudicium.  Nullum  autem  aptius  fraenum  est  cohibendae  nostrae  temeritati,  quam  si  reputemus  non  in  aerem  evanescere  nostras  imprecationes,  quia  Dei  iudicium  propinquum  sit.  10.  Exemplum  accipite  afflictionis,  fratres  mei,  et  tolerantiae  prophetas  qui  loquuti  sunt  nomine  Domini,  l  l  .  Ecce  beatos  esse  ducimus  eos  qui  sustinent  Patientiam  Iob  audistis,  et  finem  Domini  vidistis,  quod  multum  sit  misericors  et  commiserans.  10.  Exemplum  accipite.  Solatium,  quod  affert,  non  illud  est  quod  vulgari  proverbio  dicunt,  miseros  expetere  ut  qualescunque  habeant  malorum  socios.  Sed  eos  proponit  socios,  quorum  numero  aggregari  optabile  sit:  et  quibuscum  si  communis  sit  nobis  conditio,  non  potest  misera  esse.  Nam  sicuti  necesse  est  extremo  moerore  nos  affici,  si  quid  nobis  mali  accidat,  quod  nunquam  experti  sint  filii  Dei:  ita  haec  singularis  est  consolatio,  quum  scimus  nos  nihil  pati  ab  illis  diversum:  imo  ad  idem  iugum  cum  ipsis  sustinendum  nos  aptari  cognoscimus.  Quum  audiret  Iob  a  suis  amicis:  Convertere  ad  sanctos:  an  aliquem  reperies  qui  tibi  sit  similis  (Iob.  5,  1)?  erat  haec  vox  Satanae,  qua  praecipitare  in  desperationem  ipsum  volebat.  Ex  adverso  dum  spiritus  per  os  Iacobi  nos  vult  in  bonam  spem  erigere,  sanctos  omnes  praeeuntes  nobis  ostendit,  qui  nobis  veluti  manum  porrigant,  suoque  exemplo  nos  invitent  ad  subeundas  et  vincendas  afflictiones.  Promiscue  quidem  aerumnis  et  rebus  adversis  subiecta  est  hominum  vita:  sed  Iacobus  non  quosvis  adducit  in  exemplum,  quia  nihil  iuvaret  cum  multitudine  perire:  verum  prophetas  eligit  quorum  felix  est  societas.  Nihil  est  aliud  quod  nos  frangat  ac  exanimet  quam  miseriae  sensus.  Proinde  haec  vera  consolatio  est,  quae  mala  vulgo  putantur,  sentire  nobis  esse  salutis  adiumenta.  Hoc  quidem  ab  intelligentia  carnis  valde  est  alienum:  sic  tamen  statuere  debent  fideles,  se  beatos  esse  quum  variis  aerumnis  probantur  a  Domino.  Hoc  ut  persuadeat  Iacobus,  finem  afflictionum  in  prophetis  considerandum  esse  admonet:  nam  quia  in  propriis  malis,