54:427  427  SERMON  IV  428  est  vigilant,  et  qu'il  ha  zele  de  Dieu,  et  qu'il  ha  prudence  et  gravite  en  soy.  Cela  donc  est  une  approbation  pour  monstrer  qu'il  est  idoine  pour  regir  l'Eglise  de  Dieu.  Yoila  pourquoy  sainct  Paul  notamment  dit,  Que  les  enfans  soyent  fideles,  et  sans  crime  de  dissolution^  et  non  rebelles.  Il  met  ici  notamment  trois  qualitez.  La  premiere,  c'est  que  les  enfans  soyent  fideles:  car  si  on  choisit  un  homme  pour  anoncer  la  parole  de  Dieu,  qui  n'ait  point  enseigne  sa  famille,  qui  ait  des  enfans,  ausquels  si  on  demande  raison  de  leur  foy,  qu'ils  n'en  scachent  dire  seulement  un  mot,  comment  celuy-la  amenera-il  les  estrangers  a  la  foy,  quand  il  n'y  a  point  amene  les  siens  propres.  C'est  donc  par  ce  bout  qu'il  faut  commencer.  Si  nous  voyons  qu'il  ait  instruit  ses  domestiques,  qu'il  se  soit  bien  porte  en  sa  maison,  on  doit  estimer  qu'il  fera  encores  mieux  son  devoir  quand  il  sera  eleve  plus  haut,  et  qu'il  s'employera  a  l'edification  commune  de  tout  le  peuple.  La  foy  donc  va  ici  en  premier  lieu.  Or  il  y  a  quant  et  quant,  qu'ils  ne  soyent  point  accusez  de  dissolution.  Quand  sainct  Paul  met  ce  mot-ci,  il  entend  qu'on  ne  les  voye  point  dissolus.  Car  il  n'est  point  question  ici  qu'on  forme  un  proces  devant  un  iuge,  qu'il  y  ait  partie  qui  appelle  pour  accuser:  mais  il  entend  qu'on  n'appercoyve  point  d'intemperance,  ne  quelques  vices  notables  aux  enfans  des  Prescheurs.  Car  si  un  homme  allegue,  Ho,  comment?  Et  qui  est-ce  qui  viendra  reprendre  mes  enfans?  Si  quelqu'un  se  veut  ingerer  a  leur  faire  iniure,  i'en  auray  la  raison*  Si  quelqu'un  (di-ie)  fait  semblant  d'estre  grand  zelateur  de  son  honneur  et  de  celuy  de  ses  enfans,  et  cependant  il  leur  laschera  la  bride  a  tout  mal,  tellement  qu'on  se  mocquera  de  luy,  ascavoir  si  un  tel  homme  est  a  excuser.  Toutesfois  on  en  voit  beaucoup  qui  cuident  valoir  tant  et  plus,  quand  on  leur  parlera  des  vilenies  qui  se  commettent  en  leurs  maisons,  la  replique  sera,  Ho,  si  quelqu'un  s'attache  a  moy,  il  faudra  qu'il  en  responde,  ho  i'en  auray  la  raison,  ie  luy  monstreray  a  qui  il  ha  affaire.  Mais  cependant  on  se  mocquera  de  luy,  et  de  tout  son  train,  on  se  mocquera  de  sa  femme,  il  voit  et  scait  qu'elle  ne  vaut  rien,  et  encores  voudra-il  soustenir  le  contraire,  et  ne  merite-il  point  d'estre  cocu?  Un  homme  ne  voudra  point  qu'on  parle  mal  de  ses  enfans,  et  cependant  il  permettra  qu'ils  se  desbordent,  ils  se  mocqueront  de  toutes  admonitions  qu'on  leur  fera,  ils  s'en  iront  despiter  Dieu,  il  n'y  aura  que  toute  meschancete  en  eux:  et  cependant  ils  ne  veulent  point  qu'on  les  advertisse  du  danger  auquel  ils  sont.  Ils  appercoyvent  bien  qu'ils  tienent  le  chemin  et  le  train  de  perdition,  ils  ne  peuvent  souffrir  qu'on  les  en  retire.  Mais  puis  qu'ils  sont  des  malades  qui  ne  veulent  point  estre  guaris,  et  qu'ils  repoussent  tous  les  re-