6:426  gendarmes,  qui  eurent  depuis  le  linceul  en  leur  puissance.  Est-il  a  presumer  qu'ilz  le  baillassent  a  quelque  fidele  pour  en  faire  des  reliques,  veu  que  les  Pharisiens  les  avoyent  corrompuz  pour  se  periurer,  disans  que  les  disciples  avoyent  desrobe  le  corps?  Ie  laisse  a  les  redarguer  de  faulsete  par  la  veue  mesme  des  pourtraictures  qu'ilz  en  monstrent.  Car  il  est  facile  a  veoir  que  ce  sont  peinctures  faictes  de  main  d'homme.  Et  ne  me  peux  assez  esbahir,  premierement  comment  ilz  ont  este  [page  45]  si  lourdaux,  de  ne  point  avoir  meilleure  astuce  pour  tromper;  et  encore  plus  comment  le  monde  a  este  si  niez  de  se  laisser  ainsi  esbloyr  les  yeux,  pour  ne  veoir  point  une  chose  tant  evidente.  Qui  plus  est,  ilz  ont  bien  monstre  qu'ilz  avoyent  les  painctres  a  commandement.  Car  quand  un  suaire  a  este  brusle,  il  s'en  est  tousiours  trouve  un  nouveau  de  lendemain.  On  disoit  bien  que  c'estoit  cestuy-la  mesme  qui  avoit  este  au  paravant,  lequel  s'estoit  par  miracle  sauve  du  feu;  1)  mais  la  paincture  estoit  si  fresche,  que  le  mentir  n'y  valoit  rien,  s'il  y  eust  eu  des  yeux  pour  regarder.  Il  j  a,  pour  faire  fin,  une  raison  peremptoire,  par  laquelle  ilz  sont  du  tout  convaincuz  de  leur  impudence.  Par  tout  ou  ilz  se  disent  avoir  le  sainct  suaire,  ilz  monstrent  un  grand  linceul  qui  couvroit  tout  le  corps  avec  la  teste,  et  voit-on  la  l'effigie  d'un  corps  tout  d'un  tenant.  Or,  l'Evangeliste  sainct  Iehan  dict  que  Iesus  Christ  fut  ensevely  a  la  facon  des  luifz.  Or  quelle  estoit2)  ceste  facon,  non  seulement  on  le  peut  [page  46]  entendre  par  la  coustume  que  les  luifz  observent  encores  auiourdhuy,  mais  aussi  par  leurs  livres,  qui  monstrent3)  l'usage  ancien:  c'est  d'envelopper  a  part  le  corps  iusques  aux  espaules,  puis  envelopper  la  teste  dedans  un  couvrechef,  le  liant  a  quatre  coingz.  4)  Ce  que  aussi  l'Evangeliste  exprime,  quand  il  dit  que  sainct  Pierre  veit  les  linges  d'un  coste,  ou  le  corps  avoit  este  enveloppe;  et  d'un  autre  coste  le  suaire  qui  avoit  este  pose  sur  la  teste.  Car  telle  est  la  signification  de  ce  mot  de  suaire,  de  le  prendre  pour  un  mouchoir,  ou  couvrechef,  et  non  pas  pour  un  grand  linceul  qui  serve  a  envelopper  le  corps.  Pour  conclurre  briefvement,  il  faut  que  l'Evangeliste  sainct  Iehan  soit  menteur,  ou  bien  que  tous  ceux  qui  se  vantent  d'avoir  le  'sainct  suaire  soyent  convaincuz  de  faulsete,  et  qu'on  voye  apertement  qu'ilz  ont  seduit  le  povre  peuple  par  une  impudence  trop  extreme.  Ce  ne  seroit  iamais  faict,  si  ie  vouloye  pour-  1)  lequel  s'estoit  par  miracle  sauve  du  feu,  manque  dans  le  latin.  2)  Et  quelle  estoit  1563  suiv.  3)  monstrent  assez  1563  suiv.  4)  aux  quatre  coings  1563  suiv.