55:426  impios  castigat:  hunc  tamen  locum  de  postrema  liberatione  interpretari  malo.  Ecce  agricola.  Eandem  similitudinem  breviter  attingit  Paulus  in  secunda  ad  Timoth,  cap.  2,  6.  quum  dicit,  laborare  agricolam  oportere,  priusquam  fructus  colligat:  sed  expressior  est  Iacobi  oratio.  Diuturnam  enim  agricolae  patientiam  commemorat:  qui  postquam  semen  terrae  mandavit,  secure  vel  saltem  patienter  exspectat,  dum  adveniat  tempus  messis:  nec  moleste  fert  quod  non  statim  terra  maturum  fructum  reddat.  Unde  colligit,  non  debere  nos  ultra  modum  anxios  esse,  si  nunc  laborandum  sit  ac  serendum,  donec  appareat,  tanquam  messis,  dies  Domini.  F  r  u  c  t  um  p  r  e  t  i  o  s  um  vocari  interpretor,  quoniam  alimonia  est,  ao  vitae  sustinendae  ratio.  Significat  autem  Iacobus,  quum  agricola  vitam  suam,  quae  illi  tam  pretiosa  est,  in  terrae  gremio  depositam  latere  diu  sinat,  votumque  fructus  colligendi  placide  suspendat:  nos  esse  nimis  praecipites  ac  importunos,  nisi  aequis  animis  redemptionis  nostrae  diem  exspectemus.  Alias  similitudinis  partes  non  opus  est  sigillatim  persequi.  Pluviam  matutinam.  Duobus  istis  epithetis  duo  tempora  notantur  :  prius,  quod  paulo  post  sementem  sequitur:  alterum,  dum  maturescunt  segetes.  Sio  loquuntur  prophetae,  quum  pluviae  opportunitatem  exprimere  volunt,  quam  promisit  Moses  Deuter.  28,  12,  Ioel.  2,  23,  et  Osee  6,  3.  Utramque  autem  commemorat,  ut  melius  exprimat,  non  frangi  longi  temporis  taedio  agricolas,  quin  sustineant  moram.  3.  Confirmate  corda  vestra.  Ne  quis  obiiceret,  nimium  differri  liberationis  tempus,  occurrit,  dicens  prope  instare  Dominum,  vel  (quod  idem  est)  eius  adventum  appropinquasse.  Interea  iubet  corrigere  animi  mollitiem,  quae  nos  debilitat  ne  sperando  perseveremus.  Et  certe  longum  ideo  apparet  tempus,  quia  nos  teneri  nimis  ac  delicati  sumus.  Ergo  colligendum  est  robur  ad  durandum:  colligi  autem  melius  non  potest  quam  ex  spe  et  quasi  intuitu  propinqui  adventus  Domini.  9.  Ne  ingemiscatis.  Quia  audiuntur  multorum  querimoniae,  se  durius  tractari  quam  alios,  locus  hic  a  quibusdam  ita  exponitur,  quasi  iubeat  Iacobus  unumquemque  sorte  sua  contentum,  non  invidere  aliis,  neque  indigne  ferre  si  tolerabilior  sit  aliorum  conditio.  Sed  ego  aliter  interpretor.  Postquam  enim  de  infausto  eorum  exitu  disseruit,  qui  bonis  et  quietis  hominibus  molesti  sunt  sua  tyrannide:  iam  fideles  hortatur  ut  inter  se  aequi  sint,  et  in  condonandis  offensis  faciles.  Hunc  esse  genuinum  sensum,  ex  ratione  addita  colligi  potest.  Nolite,  inquit,  alii  in  alios  queruli  esse,  ne  omnes  condemnemini.  Ingemiscere  quidem  licet,  quoties  aliquid  nos  mali  angit:  sed  gemitum  accusatorium  intelliget,  ubi  alii  de  aliis  apud  Dominum  expostulant.  Futurum  autem  hoc  modo  denuntiat