54:426  mesprise  point  les  autres.  Car  il  voudroit  mieux  qu'un  homme  fust  paillard,  que  de  blasmer  le  mariage  sous  ombre  qu'il  n'a  point  de  femme:  il  vaudroit  mieux  qu'il  s'en  allast  fourrer  en  un  plein  bourdeau,  que  de  mespriser  le  mariage  en  s'en  abstenant,  et  de  reietter  un  tel  estat  que  Dieu  a  sanctifie.  Et  ainsi  que  nous  cognoissions  que  sainct  Paul  n'a  pas  voulu  imposer  loy  qu'on  fust  marie,  mais  simplement  il  a  voulu  dire  que  ceux  qui  sont  constituez  ministres  de  la  parole  de  Dieu,  ne  doyvent  point  estre  gens  intemperans,  ni  addonnez  a  dissolution:  et  que  s'il  y  a  quelque  vice  en  cest  endroit  qui  peut  estre  supporte  au  commun  peuple,  que  cela  soit  retranche  en  ceux  qui  sont  Pasteurs  de  l'Eglise,  et  qui  doyvent  estre  comme  miroirs:  qu'on  regarde  bien  de  ne  le  point  souffrir  sous  ombre  qu'on  le  souffrira  en  quelque  homme  vulgaire,  et  en  ceux  qui  sont  moins  prisez:  mais  quant  aux  ministres  qui  ont  une  discipline  plus  estroite  que  les  personnes  privees,  qu'ils  soyent  tenus  de  plus  pres,  et  qu'ils  ne  se  laschent  la  bride  en  facon  que  ce  soit.  Il  adiouste  quant  et  quant,  Que  ses  enfans  soyent  fideles,  et  non  point  accusez  de  dissolution^  et  non  point  rebelles.  Ceci  merite  bien  d'estre  note:  car  mesmes  en  l'Epistre  a  Timothee  nous  voyons  que  sainct  Paul  ne  se  contente  point  de  la  personne  des  ministres,  mais  il  veut  que  leurs  femmes  soyent  bien  reglees,  en  sorte  que  si  un  homme  vivoit  honestement  et  sans  reproche,  et  qu'il  ait  une  femme  dissolue,  ce  vice-la  revient  sur  luy:  combien  qu'on  puisse  redarguer  la  femme,  si  est-ce  qu'on  dira  tousiours,  Ho,  voila  la  femme  d'un  Prescheur  qui  est  desbordee,  et  on  voit  beaucoup  de  vanitez  et  dissolutions  ausquelles  le  mari  devroit  bien  obvier:  il  est  donc  coulpable  de  tout  le  mal.  Car  s'il  ne  scait  gouverner  sa  maison  (dit  sainct  Paul),  comment  gouvernera-il  la  maison  de  Dieu?  Comment  gouvernera-il  tout  un  peuple,  et  hommes,  et  femmes,  et  grans  et  petis,  quand  il  ne  scait  gouverner  sa  femme?  Ainsi  donc  notons  que  quand  en  ce  passage  il  est  parle  des  enfans,  c'est  afin  qu'on  advise  si  un  homme  est  propre  pour  conduire  le  peuple  de  Dieu,  et  pour  bien  regir  sa  maison  et  son  Eglise,  qu'il  ait  declare  cela  par  effect  en  son  mesnage.  Si  donc  un  homme  non  seulement  monstre  qu'il  chemine  en  la  crainte  de  Dieu,  et  s'abstient  de  tout  mal,  mais  aussi  qu'il  face  que  Dieu  soit  servi  et  honore  de  ceux  qu'il  ha  en  charge,  qu'il  ne  souffre  point  que  sa  maison  soit  ni  un  bordeau,  ni  un  brelan,  ni  une  taverne  pour  y  y  rongner,  ni  chose  semblable:  qu'il  ne  permette  point  ni  a  serviteurs,  ni  a  femmes,  ni  a  enfans  d'estre  desbordez,  ne  dissolus  en  facon  que  ce  soit,  qu'il  n'y  ait  ne  pompes,  ni  vanitez  aucunes.  Quand  donc  un  homme  gouverne  ainsi  son  mesnage,  alors  on  cognoist  qu'il