52:426  ita  fit  ut  nemo  se  alteri  libenter  subiiciat.  Praeterea  quum  tunc  viderent  omnes  fere  mundi  potestates  Christo  esse  adversas,  putabant  indignas  esse  quibus  haberetur  ullus  honor.  Iudaei  praecipue,  ut  erant  gens  indomita,  fremere  ac  tumultuari  non  desinebant.  Postquam  ergo  de  particularibus  officiis  Paulus  meminit,  generaliter  nunc  vult  omnes  moneri  ut  placide  colant  ordinem  politicum,  legibus  pareant,  magistratibus  obediant.  Subiectio  enim,  quam  requirit  erga  principes,  et  obedientia  erga  magistratus,  ad  edicta  et  leges,  aliasque  politiae  partes  extenditur.  Quod  continuo  post  subiicit,  ad  eandem  rem  accommodari  potest:  quasi  diceret,  quicunque  bene  et  honeste  vivere  non  recusant,  libenter  fore  magistratibus  obsequentes.  Nam  quum  ordinati  sint  ad  humani  generis  conservationem,  qui  eos  sublatos  cupit,  vel  excutit  eorum  iugum,  recti  et  aequi  hostis  est,  adeoque  omnis  humanitatis  expers.  Si  quis  tamen  absque  circumstantia  accipere  malit,  non  repugno:  et  certe  non  dubium  est  quin  in  hac  sententia  beneficentiam  illis  in  tota  vita  erga  proximos  commendet.  2.  Ne  de  quoquam.  Modum  nunc  fovendae  cum  omnibus  pacis  et  amicitiae  praescribit.  Scimus  nihil  esse  proclivius  humano  ingenio,  quam  prae  se  alios  omnes  despicere.  Ita  fit  ut  multi  donis  Dei  cum  fratrum  contemptu  superbiant  :  contemptum  mox  sequitur  contumelia.  Christianos  ergo,  tametsi  prae  aliis  excellant,  vetat  aliorum  probris  se  iactare,  interea  non  vult  impiorum  vitiis  ipsos  assentari:  tantum  obtrectandi  libidinem  damnat  Quum  alienos  a  pugnis  esse  iubet,  perinde  est  ac  si  diceret,  fugiendas  esse  lites  ac  iurgia.  Ideo  bene  vetus  interpres,  qui  reddidit,  non  litigiosos.  Aliis  enim  modis  quam  gladio  aut  manu  pugnatur.  Et  hunc  esse  sensum,  ex  sequentibus  liquet:  remedia  enim  mali  ostendit,  quum  praecipit  ut  se  aequos  et  mansuetos  omnihus  praebeant:  aequitas  enim  summo  iuris  rigori  opponitur,  mansuetudo  amarulentiae.  Ergo  si  omne  genus  contentionum  ac  pugnarum  fugere  placet,  primum  discamus  lenitate  multa  temperare:  deinde  multa  etiam  ignoscere.  Nam  qui  ultra  modum  rigidi  sunt  ac  morosi,  ignem  secum  ferunt  inflammandis  certaminibus.  Dicit  autem,  erga  omnes:  ut  significet,  infimis  quoque  et  abiectissimis  parcendum  esse.  Fideles,  quia  impios  pro  nihilo  ducebant,  non  putabant  ulla  clementia  esse  dignos.  Talem  asperitatem,  quae  nonnisi  e  fastu  nascitur,  corrigere  Paulus  voluit.  2.  Nam  eramus  et  nos.  Nihil  est  subigendae  nostrae  superbiae  et  simul  rigori  temperando  aptius  quam  quum  ostenditur,  quidquid  torquemus  in  alios,  posse  in  caput  nostrum  recidere.  Veniam  enim  facile  dat  qui  mutuo  petere  cogitur.  Et  certe  non  alia  causa  est  quae  nos  fratribus  inexorabiles  reddat,  nisi  vitiorum  nostrorum  ignorantia.  Severi