8:425  425  LB  QUATRIEME  SERMON,  MONSTRANT  COMBIEN  ON  DOIBT  PRENDRE  DE  PEINE  POUR  RACHETER  LA  LIBERTE  DE  SERVIR  DIEU  PUREMENT  EN  EGLISE  CHRESTIENNE.  SUR  LE  THEME  DU  PSEAULME  XXVII:  Mon  cueur  a  dict  de  toy:  Cerchez  ma  face.  Ie  cercheray  ta  face,  Seigneur.  Comme  les  hommes  se  ieetent  en  une  merveilleuse  confusion  en  laschant  la  bride  a  leurs  appetis  et  souhais,  aussi  c'est  une  grande  sagesse  a  eulx  de  s'enquerir  de  ce  que  Dieu  leur  commande  pour  le  suyvre.  Et  de  cela,  nous  en  avons  yci  un  bel  exemple.  David  estoit  bien  homme  subiect  aux  mesmes  passions  qui  nous  tormentent  et  agitent  ca  et  la,  et  n'y  a  doubte  qu'il  ne  fust  solicite  de  beaucoup  de  tentations,  lesquelles  povoyent  bien  esgarer  son  esprit  Mais  pour  remedier  a  toutes  occasions  de  desbauchement,  et  avoir  une  conduicte  certaine,  il  regarde  a  ce  que  Dieu  luy  monstre:  il  medite  et  rumine  la  dessus.  La  somme  est  que  Dieu  convie  et  exhorte  tous  ses  fideles  a  cercher  sa  face.  David  [f.  551  proteste  d'avoir  applicque  son  estude  a  ce  commandement;  en  sorte  qu'il  y  a  eu  comme  une  bonne  melodie  et  accord  entre  Dieu  qui  parle  en  disant:  Cerchez  moy,  et  luy  qui  respond:  Ouy,  mon  Dieu,  ie  te  cercheray.  Or,  il  nous  fault  yci  veoir  pourquoy  Dieu  notamment  exprime  ce  mot  de  Pace:  car  s'il  n'avoit  quelque  face  en  laquelle  il  se  monstrast,  il  nous  abuseroit  en  nous  commandant  de  la  cercher.  Ie  scay  que  plusieurs  qui  vouldront  faire  des  subtils  ne  feront  non  plus  de  cas  de  cela  que  s'il  estoit  dict:  Cerchez  moy.  Mais  ceulx  qui  sont  bien  exercez  en  TEscripture  cognoissent  bien  que  Dieu  a  voulu  specifier  la  facon  qu'il  a  tenue  de  tout  temps  a  se  monstrer  et  declarer  priveement  aux  hommes.  Et  de  faict,  c'est  un  langage  tant  et  plus  frequent  en  PEscripture,  que  nommer  le  Sanctuaire  et  l'Arche  de  l'alliance,  face  de  Dieu.  Pourquoy  cela?  C'est  pource  que  Dieu,  qui  est  incomprehensible  en  son  essence  et  en  sa  maieste,  use  de  moyens  tels  qu'il  cognoist  estre  propres  a  l'infirmite  et  rudesse  des  hommes  pour  les  amener  a  soy.  Vray  est  que  le