6:425  TEAICTE  DES  EELIQUES.  Rome,  comme  menteurs,  et  qui  font  meschamment  idolatrer  le  peuple  en  le  seduisant  et  luy  faisant  a  [page  42]  croire  qu'un  drappeau  prophane  est  le  linceul  ou  fut  enveloppe  son  Redempteur.  Venons  maintenant  a  l'Evangile;  car  co  seroit  peu  de  chose  qu'ilz  se  dementissent  l'un  l'autre,  mais  le  sainct  Esprit  leur  contredisant  a  tous,  les  rend  tous  ensemble  confonduz,  autant  les  uns  que  les  autres.  Pour  le  premier,  c'est  merveille  que  les  Evangelistes  ne  font  nulle  mention  de  ceste  Veronique,  laquelle  tourcha  l)  la  face  de  Iesus  Christ  d'un  couvrechef,  veu  qu'ilz  parlent  de  toutes  les  femmes  lesquelles  l'accompaignerent  a  la  croix.  C'estoit  bien  une  chose  notable  et  digne  d'estre  mise  en  registre,  que  la  face  de  Iesus  Christ  eust  este  miraculeusement  imprimee  en  un  linceul.  Aucontraire,  il  semble  advis  que  cela  n'emporte  pas  beaucoup,  de  dire  que  certaines  femmes  ayent  accompagne  Iesus  Christ  a  la  croix,  sans  qu'il  leur  soit  advenu  aucun  miracle.  Comment  est-ce  donc  que  les  Evangelistes  racomptent  de  choses  menues  et  de  legiere  importance,  se  taisant  des  principales?  [page  43]  Certes,  si  un  tel  miracle  avoit  este  faict,  comme  on  faict  a  croire,  il  nous  faudroit  accuser  le  sainct  Esprit  d'obliance  ou  d'indiscretion,  qu'il  n'auroit  sceu  prudemment  eslire  ce  qui  estoit  le  plu?  expedient  de  racompter.  Cela  est  pour  leur  Veronique,  afin  qu'on  congnoisse  combien  c'est  un  mensonge  evident,  de  ce  qu'ilz  en  veulent  persuader.  Quand  est  du  suaire  auquel  le  corps  fut  enveloppe,  ie  leur  faiz  une  semblable  demande.  Les  Evangelistes  recitent  diligemment  les  miracles  qui  furent  faictz  a  la  mort  de  Iesus  Christ,  et  ne  laissent  rien  de  ce  qui  appartient  a  l'histoire.  Comment  est-ce  que  cela  leur  est  eschappe,  de  ne  sonner  mot  d'un  miracle  tant  excellent?  C'est  que  l'effigie  du  corps  de  nostre  Seigneur2)  estoit  demeuree  au  linceul  auquel  il  fut  ensevely.  Cela  valoit  bien  autant  d'estre  dict  comme  plusieurs  autres  choses.  Mesmes  sainct  Iehan3)  declaire  comment  sainct  Pierre  estant  entre  au  sepulcre,  veit  les  linges  de  la  sepulture,  l'un  d'un  coste,  l'autre  d'autre.  Que  [page  44]  il  y  eust*aucune  pourtraicture  miraculeuse,  il  n'en  parle  point.  Et  n'est  pas  a  presumer  qu'il  eust  supprime  une  telle  oeuvre  de  Dieu,  s'il  en  eust  este  quelque  chose.  Il  y  a  encore  un  autre  doubte  a  obiecter:  c'est  que  les  Evangelistes  ne  parlent  point  que  nul  des  disciples,  ne  des  femmes  fideles,  ayent  transporte  les  linceux,  dont  il  est  question,  hors  du  sepulcre;  mais  plustost  ilz  donnent  a  congnoistre  qu'ilz  les  ont  la  laissez,  combien  qu'ilz  ne  l'expriment  pas.  Or,  le  sepulcre  estoit  garde  des  1)  tourcha,  abstersit  1543,  1544  et  G.;  toucha  1563  suiv.  2)  Seigneur  Iesus  1563  suiv.  3)  l'Evangeliste  sainct  Iean  1563  suiv.