54:425  425  SUR  L'EPITRE  A  TITE.  426  fusion.  Or  il  y  a  falu  cependant  que  Dieu  se  vengeast  de  ceste  confusion  infernale.  Car  comment  s'est  il  fait  que  le  monde  ait  este  prive  de  bons  Pasteurs?  On  a  exclud  tous  ceux  qui  vouloyent  vivre  sainctement  et  sans  pollution,  ceux  qui  cherchoyent  de  servir  a  Dieu,  et  ne  s'addonner  a  paillardises,  ni  autres  vilenies:  ceux-la  n'ont  point  este  capables  d'estre  ni  Evesques,  ni  Prestres,  ni  rien  qui  soit.  Pourquoy?  Ho,  ce  sont  gens  mariez.  Mais  ceux  qui  se  sont  donne  licence  de  paillardes  les  voila  bons  et  propres  pour  estre  supposts  du  Pape.  Et  ainsi,  qu'ils  soyent  Evesques  cornus,  qu'ils  soyent  prestres  graissez,  c7est  tout  un,  car  ils  y  sont  propres:  et  il  a  falu  en  la  fin  que  le  monde  ait  este  rempli  d'une  telle  infection.  Car  voila  d'ou  sont  venues  les  paillardises,  que  les  mariages  ont  este  corrompus,  qu'on  a  eu  la  plus  grand'  peine  du  monde  a  tenir  les  maisons  nettes,  d'autant  que  ceste  puantise  a  regne  tellement,  que  par  tout  ils  ont  iette  leur  venin,  et  a  este  une  maladie  si  contagieuse,  que  quasi  nul  ne  s'en  pouvoit  garder.  Et  puis  Dieu  les  a  aveuglez,  et  les  a  mis  en  telle  turpitudo,  qu'ils  n'ont  peu  discerner  entre  le  bien  et  le  mal,  ie  ne  di  pas  comme  bestes  brutes  (car  la  brutalite  de  tous  ceux  qui  veulent  maintenir  la  tyrannie  du  Pape,  n'est  pas  telle  que  celle  des  bestes  brutes),  mais  beaucoup  pire,  et  plus  abominable.  Voila  donc  le  salaire  que  Dieu  leur  a  envoye  par  son  ire,  et  par  son  iuste  iugement,  d'autant  qu'ils  ont  reiette  le  sainct  mariage,  qui  est  un  estat  si  noble  et  si  excellent.  Et  pourtant  si  nous  voulons  avoir  une  droite  fermete,  n'imaginons  rien  de  nostre  teste,  mais  regardons  ce  que  Dieu  approuve,  et  contentons-nous  de  cela.  Et  puis  quand  il  est  dit  que  les  serviteurs  de  Dieu  soyent  maris  d'une  seule  femme,  que  nous  ne  requerions  point  plus  en  eux  que  cela.  Car  quand  sainct  Paul  dit  qu'un  Pasteur  soit  mari  d'une  seule  femme,  il  n'entend  pas  d'imposer  loy  qu'un  homme  soit  marie,  non  plus  qu'il  n'est  pas  licite  d'empescher  le  mariage  a  ceux  qui  sont  constituez  Ministres  pour  anoncer  la  parole  de  Dieu:  sainct  Paul  n'y  met  point  ici  de  contrainte:  mais  il  monstre  cest  ordre  commun,  qu'un  chacun  regarde  a  soy,  et  que  celuy  qui  n'est  point  marie  use  tellement  de  son  abstinence,  que  ce  soit  a  l'honneur  de  Dieu,  et  qu'il  ne  regarde  sinon  d'employer  tout  ce  qu'il  a  a  son  service.  Sainct  Paul  parlant  ainsi  s'abstenoit  de  femme,  comme  il  le  proteste  en  la  premiere  Epistre  aux  Corinthiens,  septieme  chapitre:  et  eust  bien  voulu  qu'un  chacun  luy  eust  ressemble:  voire,  mais  il  ne  laisse  pas  de  protester  qu'il  ne  veut  pas  toutesfois  mettre  un  ioug  sur  les  ames,  mais  qu'il  faut  que  tous  soyent  en  pure  liberte,  et  que  celuy  cependant  qui  est  marie,  qu'il  passe  par  ce  monde  comme  s'il  ne  l'estoit  point,  que  celuy  qui  n'est  point  marie  ne