52:425  425  CAPUT  III.  426  morte  ad  bona  opera  fuisse  consecratos,  usus  est  purificandi  verbo.  Nam  indignum  esset,  iisdem  nos  rursum  inquinari  sordibus,  a  quibus  nos  filius  Dei  sanguine  suo  purgavit.  15.  Haec  loquere.  Perinde  valet  haec  clausula  ac  si  iuberet  assidue  insistere  in  illam  aedificationis  doctrinam,  neque  unquam  fatigari:  quia  nimium  inculcari  nequeat.  Doctrinae  etiam  addere  iubet  exhortationum  et  obiurgationum  aculeos.  Neque  enim  satis  est  commonefieri  de  suo  officio  homines,  nisi  acriter  etiam  urgeantur.  Qui  autem  superiora  illa  tenet,  semperque  in  ore  habet,  materiam  habebit  non  docendi  modo,  sed  etiam  corrigendi.  Gum  omni  autoritate.  Non  assentior  Erasmo  qui  emTay$]V  vertit  praecipiendi  studium.  Probabilior  Chrysostomi  sententia,  qui  severitatem  interpretatur  adversus  atrociora  peccata.  Quamquam  ne  hic  quidem  videtur  Pauli  mentem  assequutus:  vult  enim  ut  sibi  autoritatem  in  his  tradendis  ac  reverentiam  Titus  vendicet.  Nam  curiosi  homines  et  argutiarum  cupidi  piae  et  sanctae  vitae  praecepta  quasi  trita  et  vulgaria  fastidiunt.  Ut  huic  fastidio  occurrat  Titus,  iubetur  pondus  imperii  suae  doctrinae  addere.  Eodem  etiam  (meo  iudicio)  pertinet  quod  mox  sequitur,  nemo  te  contemnat.  Putant  alii  admoneri  Titum  ut  sibi  vitae  integritate  audientiam  ac  dignitatem  conciliet.  Ac  verum  quidem  est,  mores  sanctos  et  inculpatos  facere  doctrinae  autoritatem.  Verum  alio  respexit  Paulus:  nam  populum  ipsum  magis  quam  Titum  hic  compellat.  Quia  tam  delicatae  multis  erant  aures,  ut  illis  despectui  esset  evangelii  simplicitas:  quia  sic  pruriebant  rerum  novarum  desiderio,  ut  aedificationi  nullus  fere  locus  foret:  eiusmodi  hominum  superbiam  retundit,  et  severe  denuntiat  ut  ab  omni  sanae  et  utilis  doctrinae  contemptu  desistant.  Ita  confirmatur  quod  initio  praefatus  sum,  Cretensibus  potius  quam  uni  privatim  homini  scriptam  esse  hanc  epistolam.  CAPUT  UL  1.  Admone  illos  ut  principatibus  et  potestatibus  subditi  sint,  ut  magistratibus  pareant,  ut  ad  omne  opus  bonum  sint  parati:  2.  ne  de  quoquam  male  dicant:  ut  sint  non  pugnaces,  humani,  omnem  exhibentes  mansuetudinem  erga  omnes  homines.  3.  Nam  eramus  et  nos  stulti  quondam,  inobedientes,  errantes,  servientes  cupiditatibus  et  voluptatibus  variis,  in  malitia  et  invidia  degentes,  odiosi,  invicem  odio  prosequentes.  1.  Admone  Ulos.  Ex  compluribus  locis  apparet,  multum  negotii  habuisse  apostolos  ut  plebem  sub  magistratuum  et  principatuum  imperio  continerent.  Natura  enim  appetentes  principatus  sumus  omnes: