5:425  EPINICION.  Nec  minus  aut  miserum  Christi  dispergit  ovile,  Mendaci  aut  tetrum  virus  ab  ore  vomit.  Nec  minus  in  sanctos  furit,  insontique  cruentas  Sanguine  nunc  passim  tingit,  ut  ante,  manus.  Sed  quia  mors  vita  est,  et  crux  victoria  Christi:  Nil  dirae  impedient  gaudia  nostra  minae.  Ille  sui  similis  manet,  aeternumque  manebit,  Vincere,  non  vinci,  qui  patiendo  solet.  Quum  premitur  patiturque,  ac  desperatus  habetur:  Inde  sibi  atque  suis  pulchra  trophaea  parat.  Nunc  stolide  effertur  terrena  superbia:  sed  mox  Praeceps  ipsa  suo  pulsa  furore  ruet.  Sanctus  at  ille  cruor,  divini  assertor  honoris,  Gignendam  ad  sobolem  seminis  instar  erit.  Vox  gladius  Christo  est,  et  lancea  spiritus  oris:  Hostem  igitur  subita  sternere  voce  potest.  Hunc  gladium  huc  illuc  iam  quintum  denique  lustrum  Vibrat  agens  valida,  non  sine  caede,  manu.  Elusit  Satanas  quos  antehac  pertulit  ictus  Sacrilegae  princeps  et  Papa  militiae.  Nunc  magis  experti  quo  pungat  acumine,  tandem  Saucius  insolito  vulnere  uterque  gemit.  Hinc  est,  quod  stupidusque  Papae  attonitusque  satelles  Pendet,  et  exanimis  turba  profana  pavet.  Hinc  est,  quod  strepitu  implentur  varioque  tumultu,  Infandi  et  trepidant  perfida  castra  ducis.  Saepius  et  variib  alternant  motibus:  ut  qui  Iam  fracta  tentat  proelia  summa  manu.  Compositae  interea  nobis  fiducia  mentis,  Et  placido  constat  pectore  firma  quieb.  Quis  Christum  hic  neget  ad  perdendos  funditus  hostes  Exserere  invicta  iiamniea  tela  manu?  Quis  neget  hoc  victoris  opus  memorabile?  quisve  Invideat  tanto  laurea  serta  duci?  Certatum  est  acie:  partem  sibi  miles  honoris  Vendicat,  ac  solidum  non  sinit  esse  ducis.  Quid  si  igitur  victi  laudem  sibi  Christus  ut  hostis  Asserat,  absque  hominum  vincere  marte  velit?  Vincere  vi  magnum  est  hostem,  quid  sternere  nutu?  Pellere  laus  quantum  stando  fugare  decus?  Ecce  quie&cenclo  sternit,  funditque  silendo,  Quos  rabidis  similes  constitit  esse  feris.  Nonne  hi  sunt,  passim  quos  norunt  nuper  amaro  De  pulmone  graves  evomuisse  minas?  Cur  concepta  intus  rabies  inclusa  moratur?  An  quod  opes  atrox  non  habet  ira  pares?  Praesidio  quo  non  instructos  cernimus?  arte  Nequitiae,  gladiis,  improbitate,  dolis.  Nos  modica,  imbellis,  nuda  exarmataque  turba,  Horribiles  veluti  grex  ovium  ante  lupos.  An  non  mirifica  est  regis  victoria  Christi?  Nostra  quod  intrepido  corda  vigore  fovet.  Ergo  triumphali  redimitus  tempora  lauro  Quadriiugi  emineat  conspicuus  solio.  Edomiti  currum,  positoque  furore,  sequantur  Qui  cum  sacro  eius  numine  bella  gerunt.