37:425  425  CAPUT  LXV.  426  ubi  Lia  gaudet  propter  accessionem  liberorum  :  nam  sic  intelligendum  censeo  id  quod  ipsa  pronuntiat  TD,  ac  si  diceret,  Nunc  mihi  copia  liberorum  est:  plures  enim  iam  antea  habuerat.  Unde  etiam  nomen  Ti  quinto  filio  imposuit.  Ita  hoc  loco  "U  accipiendum  puto  pro  turba  vel  exercitu:  quia  tot  ipsis  erant  fictitii  dii  ut  prae  multitudine  vix  numerari  possent.  Implere  hic  bifariam  accipi  potest:  nempe,  quod  large  et  munifice  omnia  suppeditaverint  ad  cultum  idolorum:  (nam  superstitio  nullum  aut  finem  aut  modum  habet,  et  qui  parci  sunt  in  cultu  Dei,  omnia  idolorum  gratia  libentissime  profundunt)  vel  quod  nullum  idolum  praetermiserint  cui  cultum  suum  non  exhiberent.  Quem  sensum  ego  potius  sequor.  Nec  enim  satisfactum  sibi  putant  idololatrae,  nisi  cuique  divo  suum  honorem  exhibeant:  et  quo  plures  coluerint  eo  sibi  melius  futurum  arbitrantur.  Id  quod  etiam  plus  satis  hodie  experimur  in  papistis.  Per  numerum  idem  intelligit  quod  per  exercitum  significabat.  Est  enim  repetitio  usitata  Hebraeis.  Intelligit  ergo  parari  mensam,  hoc  est,  sacrificium  fieri  non  uni  idolo,  sed  infinitis:  ut  quam  graves  poenas  meriti  sint,  aperte  ostendat.  12.  {Itaque)  Alludit  ad  numerum  deorum,  de  quo  loquutus  est:  ac  declarat  Dominus  se  facile  deprehensurum  quo  in  numero  sint.  Se  enim  gladio  numeraturum  ipsos.  Atque  hinc  apparet  prophetam  non  loqui  superiore  versu  de  duobus  planetis,  Iovis  scilicet  ac  Mercurii,  ut  nonnulli  putant:  sed  quod  uno  Deo  non  contenti  accerserent  sibi  varia  idola.  Atque  frivola  coniectura  est  eorum  qui  nomine  ^D  Mercurium  designari  volunt,  quod  n^D,  significet  numerare,  ac  Mercurius  numeris  ac  mercatoribus  praeesset.  Apertum  enim  est  consilium  prophetae,  qui  ideo  numerandum  gladio  populum  significat,  quod  ingenti  deorum  numero  gauderet:  neque  acquiescere  vellet  in  uno  Deo.  (Eo  quod  vocavi.)  Amplificat  magnitudinem  ac  gravitatem  perfidiae  istius,  quod  Iudaei  deliberata  malitia,  atque  ex  industria  potius  quam  ignorantia  peccarent.  Fuerant  enim  edocti  saepius  ac  moniti,  sed  proterve  omnia  monita  reiecerant.  Ergo  longe  minus  excusabiles  sunt,  quam  alii  ad  quos  nulli  prophetae  missi  fuerunt.  Nam  etsi  ignorantiae  excusationem  nulli  hominum  obtendere  possint,  tamen  multo  minus  Iudaei  et  ii  quibus  verbum  Domini  annunciatur.  Gravem  igitur  prae  aliis  condemnationem  sustinebunt.  Modum  vocandi  exprimit,  quod  hortatus  populum  fuerit  per  prophetas.  Loquendi  enim  verbo  bis  idem  repetit,  ut  moris  Hebraeis  esse  iam  antea  diximus.  Audire  Dominum  est  obsequi  verbo  ipsius.  Leve  enim  esset  accommodare  aures,  nisi  obtemperaremus  verbo:  idque  accideret  quod  dicitur  in  proverbio,  Asini  auribus  annuunt.  Deus  enim  ex  animo  audiri