32:425  425  PSALMUS  CXLVII.  426  gravemur,  non  nisi  per  nos  stare  quominus  manu  porrecta  nos  Deus  eruat,  qui  tam  suaviter  ad  se  invitat  omnes  miseros.  Ex  opposito  impiis  eius  contemptoribus  denuntiat  omnia  male  et  infeliciter  cessura.  Diximus  primo  Psalmo,  viae  nomine  totum,  notari  vitae  cursum.  Disperdet  igitur  Deus  viam  impiorum,  quia  omnia  eorum  consilia,  omnes  actiones,  quidquid  tentarint  vel  aggressi  fuerint,  maledicet,  ut  nihil  eis  prospere  succedat.  Quamvis  ergo  polleant  consilio,  imo  callidi  sint  et  astuti,  facultas  etiam  bonorum  omnium  suppetat,  omnes  eorum  spes  Deus  evertet.  Nam  sicuti  manum  suis  porrigens  per  quaevis  obstacula,  imo  per  invia  eos  deducit:  ita  rursus  apertam  et  planam  viam  reprobis  abrumpet.  10.  (Regnabit  Iehova.)  Sermonem  ideo  ad  ecclesiam  convertit,  quo  melius  persuadeat  piis  omnibus  re  ipsa  talem  sensuros  Deum  qualem  antehac  descripsit.  Porro  quum  Deum  vocat  perpetuum  regem,  simul  tenendum  est  in  quem  finem  regnet.  Ac  definitio  ex  superioribus  elogiis  petenda  est.  Unde  sequitur,  tam  in  vita  quam  in  morte  nos  sub  eius  regis  custodia  salvos  fore,  qui  nonnisi  in  salutem  nostram  regnat.  Si  simpliciter  dixisset,  Iehovam  regnare  perpetuo,  excipere  promptum  erat  procul  nos  distare  ab  incomprehensibili  eius  gloria.  Ideo  diserte  exprimit  sacro  foedere  devinctum  esse  electo  populo.  PSALMUS  CXLVII.  ARG.  Invitat  etiam  hic  Psalmus  fideles  ad  Deum  laudandum  duabus  de  causis,  quod  scilicet  in  generali  mundi  gubernatione,  et  singulis  coeli  et  terrae  partibus  refulgeant  eius  potentia,  bonitas,  sapientia,  et  reliquae  virtutes:  praesertim  vero  quod  ecclesiam,  quam  gratis  elegit,  peculiari  gratia  foveat  et  tueatur,  collapsam  etiam  restituat,  et  dissipatam  colligat.  1.  Laudate  Deum,  quia  bonum  est  psallere  Deo  nostro,  quia  iucundum,  decora  laus,  2.  Aedificans  Ierusalem  Iehova,  dispersos  Israelis  congregabit:  3.  Sanans  contritos  corde,  et  colligans  dolores  eorum.  4.  Numerans  multitudinem  stellarum,  singulis  nomina  imponens.  5.  Magnus  Dominus  noster,  et  multus  virtute,  intelligentiae  eius  non  est  numerus.  6.  Sublevans  miseros  Iehova,  deiiciens  impios  usque  ad  terram.  1.  (Laudate  Deum.)  Quanquam  beneficia  hic  commemorat  quibus  promiscue  totum  genus  humanum  Deus  prosequitur,  non  tamen  dubium  est,  sermonem  proprie  ad  fideles  dirigi,  qui  soli  oculati  sunt  operum  Dei  testes:  quum  incredulos  mentis