6:424  bien  voulu  avoir  les  dez  dont  le  sort  fut  iecte  par  les  gendarmes.  L'un  est  a  Trier,  et  deux  autres  a  sainct  Salvador  en  Hespaigne.  Or,  en  cela  ilz  ont  naifvement  demonstre  leur  asnerie:  car  les  Evangelistes  disent  que  les  gendarmes  ont  iecte  le  sort,  qui  se  tiroit  adonc  d'un  chappeau  ou  d'un  boucal,  comme  quand  on  veut  faire  le  roy  de  la  fefve,  ou  quand  on  ioue  a  la  Manque.  1)  Brief,  on  sait  que  c'est  iecter  aux  lotz.  Cela  se  faict  communement  en  partages.2)  Ces  bestes  ont  imagine  que  le  sort  estoit  ieu  de  dez,  lequel  n'estoit  [page  40]  pas  adonc  en  usage  au  moins  tel  que  nous  l'avons  de  nostre  temps.  Car,  au  lieu  de  six  et  as,  et  autres  poinctz,  ilz  avoyent  certaines  marques,  lesquelles  ilz  nommoyent  par  leurs  noms:  comme  venus  ou  chien.  Qu'on  aille  maintenant  baiser  les  reliques  au  credit  de  si  lourdz  menteurs.  Il  est  temps  de  traicter  du  suaire,  auquel  ilz  ont  encore  mieux  monstre  tant  leur  impudence  que  leur  sotise.  Car  outre  le  suaire  de  la  Veronique,  qui  se  monstre  a  Rome  a  sainct  Pierre,  ")  et  le  couvre  chef  que  la  vierge  Marie,  comme  ilz  disent,  mist  sur  les  parties  honteuses  de  nostro  Seigneur,  qui  se  monstre  a  sainct  Iehan  de  Latran,  lequel  aussi  bien  est  de  rechef  aux  Augustins  de  Carcasonne;  item,  le  suaire  qui  fut  mis  sur  sa  teste  au  sepulcre,  qui  se  monstre  la  mesme;  il  y  a  une  demy  douzaine  de  villes,  pour  le  moins,  qui  se  vantent  d'avoir  le  suaire  de  la  sepulture  tout  entier:  comme  Nice,  celuy  qui  a  este  transporte  la  de  Chambery  ;  item,  Aix  en  Allemaigne  ;  item,  le  Trect  ;4)  [page  41]  item,  Besanson;  item,  Cadoin  en  Limosin;  item,  une  ville  de  Lorraine,  assise  au  pors  d'Aussoys;  5)  sans  les  pieces  qui  en  sont  dispersees  d'un  coste  et  d'autre,  comme  a  sainct  Salvador  en  Hespaigne,  et  aux  Augustins  d'Alby.  Ie  laisse  encore  un  suaire  entier  qui  est  a  Rome  en  un  Monastere  de  femmes,  pource  que  le  Pape  a  deffendu  de  le  monstrer  solennellement.  Ie  vous  prie,  le  monde  n'a-il  pas  este  bien  enrage,  de  trotter  cent  ou  six  vingtz  lieues  loing,  avec  gros  frays  et  grand  peine,  pour  veoir  un  drappeau  duquel  il  ne  pouvoit  nullement  estre  asseure,  mais  plustost  estoit  contraint  d'en  doubter?  Car  quiconques  estime  le  suaire  estre  en  un  certain  lieu,  il  fait  faulsaires  tous  les  autres  qui  se  vantent  de  l'avoir.  Comme  pour  exemple,  celuy  qui  croit  que  le  drappeau  de  Chambery  soit  le  vray  suaire,  cestuy  la  condamne  ceux  de  Besanson,  d'Aix,  de  Cadoin,  du  Trier6)  et  de  1)  blancque  1563  suiv.;  bianca  quod  vulgo  aiunt  G.  2)  quum  praedia  aut  haereditates  dividuntur  G.  3)  en  l'Eglise  de  sainct  Pierre  1563  suiv.  4)  le  Traict  1563  suiv  ;  Traiectum  G.  5)  port  d'Aussoys  1544  suiv.;  Alsatiae  vicinum  G.  6)  du  Trier,  se  trouve  dans  toutes  les  editions  francaises.  Le  latin  a  Traiectenses.