54:424  ministre  de  la  parole  ait  son  mesnage  bien  ordonne,  qu'il  vive  paisiblement  avec  sa  femme,  qu'il  gouverne  ses  enfans  en  telle  modestie  qu'ils  soyent  en  exemple  aux  autres,  ne  parle-il  point  par  l'authorite  de  nostre  Seigneur  Iesus  Christ?  Voila  donc  la  sainctete  que  Dieu  requiert  en  ses  serviteurs,  et  en  ceux  qu'il  a  constituez  pour  anoncer  sa  parole,  c'est  qu'ils  se  maintienent  chastement  avec  leurs  femmes,  qu'ils  vivent  en  mesnage.  Voici  le  Pape  qui  dit,  si  un  Prestre  est  marie,  qu'il  est  pollu,  qu'il  est  des  enfans  de  ce  monde,  qu'il  n'est  pas  digne  de  cest  estat  Angelique,  qu'il  faut  renoncer  au  mariage  pour  avoir  estat  en  l'Eglise.  Si  le  Pape  pretend  de  parler  en  l'authorite  de  Dieu,  qu'il  monstre  dequoy.  Car  voici  une  contradiction  manifeste:  qui  plus  est,  nous  voyons  que  notamment  le  sainct  Esprit  a  prononce  que  le  mariage  estoit  legitime  en  tous  Pasteurs  d'Eglise,  et  qui  ont  office,  afin  qu'on  n'en  face  point  de  scrupule:  commo  en  l'autre  passage  il  est  dit,  Que  le  mariage  est  honorable  en  tous.  Puis  qu'ainsi  est  que  l'Apostre  en  l'epistre  aux  Hebrieux  adiouste  ce  mot,  que  Dieu  fera  vengence  des  paillars  et  adulteres,  mais  que  le  mariage  est  prise  devant  luy,  voire  non  seulement  en  ceux  qui  sont  laics  (comme  ceste  canaille  et  vermine  de  Clerge  Papal  ont  controuve  ces  mots),  mais  honorable  en  tous,  ne  faut-il  point  donc  que  le  diable  ait  parle  par  la  bouche  du  Pape  et  de  tous  ses  supposts,  quand  ils  ont  ainsi  reiette  le  mariage,  de  ceux  qui  doyvent  anoncer  la  parole  de  Dieu?  Et  ne  se  sont  point  encores  contentez  d'une  telle  tyrannie,  et  d'oster  la  liberte  que  Dieu  donne:  mais  ils  ont  use  de  si  horribles  blasphemes,  qu'ils  n'ont  point  eu  honte  de  dire,  que  ceux  qui  sont  en  la  chair  ne  peuvent  plaire  a  Dieu.  Et  qu'est-ce  la  sinon  corrompre,  et  falsifier  l'Escriture  saincte?  Sainct  Paul  parle  la  des  adulteres  et  paillars,  il  parle  des  ravisseurs,  des  blasphemateurs,  des  trompeurs,  detractans  par  mensonges  de  leurs  prochains,  de  ceux  qui  sont  addonnez  a  toute  iniquite:  il  dit  que  ceux-la  ne  peuvent  plaire  a  Dieu.  Et  voila  ce  diable  de  Rome  qui  desgorge  un  blaspheme  infernal,  disant  que  ceux  qui  sont  au  mariage  ne  peuvent  plaire  a  Dieu.  Scauroit-on  plus  vileinement  polluer  le  sainct  mariage,  et  blasphemer  a  l'encontre?  Car  qui  est  l'autheur  du  mariage?  Et  a  qui  ceste  iniure-la  s'addresse-elle?  Nous  voyons  donc  que  Dieu  a  permis  que  Satan  regnast  en  ce  siege  d'apostasie,  tellement  que  ceux  qui  ne  cognoissent  point  que  c'est  un  gouffre  d'enfer,  ils  sont  aveugles  a  leur  escient,  et  meritent  d'aller  en  perdition.  On  ne  pourroit  point  alleguer  ignorance,  pour  dire,  Et  ces  povres  gens-la  suyvent  comme  ils  sont  conduits  par  leurs  Prelats.  Mais  ils  demandent  d'estre  ainsi  deceus  et  trompez,  et  d'aller  en  con-